Lukàrzɛ̀ 3:18 - Mokpwe: Bakwery (New Testament)

¹⁸ Yòwanìrzɛ̀ à mà kòkòwɛ̀lɛ̀ hwatò nà ìhvɛhvɛ mbɔrzi rzayì-rzayì, rzìi a hwa òhweyà meyàŋgò me gbamù.

Lukàrzɛ̀ 3:18 Mawu Ofanana

Lukàrzɛ̀ 3:17

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛŋgbɛnɛ hweyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hweyàrzà, à hwe rzòwà ò mùnya ema mò rza lìma.”

Lukàrzɛ̀ 3:19

Yòwanìrzɛ̀ à mà kànja hvɛ Hɛ̀rɔ̀dì è mòkànèlì, èhwanja à mà gbeyà wòhwe ò lì hwàà Hɛ̀ròdìyàrzì è mòlanà wà ama ŋmanyàŋgò, nà hwehvɛhvɛ hweyà hwe wòhwe ema a mà gbèye.

Yòwanìrzɛ̀ 1:15

Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Hwègbèèlì 2:40

Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

Hwègbèèlì 20:2

Nà òma à mà akeyà hwèŋge hwèrzòòkà hwe arzɛ, à mà òhwa rzayi-rzayi ja hweyà ò lì ètìrzɛ̀ mèèmà me hwàlòkèlì hwa eŋge erzòòkà, rzìi a ɛ̀ndɛ ò èkòmè ya Àkayiyà.

Ròmànì 12:8

Mòtò ema a hwɛni jàhwèyà ja lì kɔ̀mɛlɛ hwatò, inyɛ mɔ̀ à hwa kɔ̀mɛlɛ. Tɔ̀ njɛnɛ hvɛ ema a ŋgba hwatò hwema, a hwa ŋgbaane na eenji. È mɔ̀ hvɛ ema a hwɛni jàhwèyà ò lì timba hwatò, inyɛ a hwa timbe kɔ̀yi-kɔ̀yi. È mòtò hvɛ ema a òhvi jàhwèyà ja lì uŋmɛ̀lɛ̀ hwatò ììlì, inyɛ a uŋmɛ̀lɛ̀ hwatò ììlì na màlìŋgò.