Lukàrzɛ̀ 3:16 - Mokpwe: Bakwery (New Testament)

¹⁶ Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Lukàrzɛ̀ 3:16 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:12

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”

Yòwanìrzɛ̀ 1:26

Yòwanìrzɛ̀ rzìi à hwa alàhwɛ̀ hvɛ nanù ema, “Nà lùhwìrzɛ̀ ndi nà malìhwa, ndi ò ìtììtènì jà anyu ò hwèlì mɔ̀kɔ ema inyɔ è rza hwiyɛ̀.

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”

Yòwanìrzɛ̀ 1:33

Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’

Yòwanìrzɛ̀ 7:38

È mɔ̀ ema a nò lòkɛ̀ è Kààtì ya Lohwà e òhwi nanù ema, ‘Merzò me malìhwà mà lòŋgɛ me ò mò wurza ò tenì ya eni.’”

Hwègbèèlì 1:5

Yòwanìrzɛ̀ à mà lùhwìrzɛ̀ ndi nà malìhwa ndi ò ŋgùrzu jà mèènyà ema mè ò jɛ̀ɛ̀ è lùhwìrzɛ̀hwɛ̀ ndi nà Èlìŋgɛ̀ yà Wòtani.”

Hwègbèèlì 10:44

Nà òma Pètrò mɔ̀ à mà hwɛ lì òhwa nanù, Èlìŋgɛ̀ yà Wòtani rzi è rzihweyà hwaŋga hwatò hwa arzɛ ema hwa mà hwɛ lì òkànèyà mòŋgò ŋmɛ̀ndì.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.