Lukàrzɛ̀ 3:13 - Mokpwe: Bakwery (New Testament)

¹³ Rzìi à hwa òhweyà nanù ema, “È rzì kèka lì wòwà lì akà mamɛ ema e arzahwa.”

Lukàrzɛ̀ 3:13 Mawu Ofanana

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Lukàrzɛ̀ 19:8

Rzàkiyɔ̀rzì rzìi a tɛ̀mɛ̀ ò ŋmanyu, a òhweyà e Rzàŋgò nanù ema, “Ìi Rzàŋgò wa ɔ̀ŋgɔ tɛ̀, nà hwɛnì lì kàhwa erzàŋgò ya amì ò ìtììtènì, lì e ŋgbà mèlìrza me hwatò. Ndèŋgànɛ̀lɛ̀ hvɛ, tɔ̀ ima mòtò ema nà mà lɔ̀kè, nà mò tìmbìrzɛ̀lɛ̀lɛ kòŋgi inɛ̀yi ya mamɛ ema na mà mò lɔ̀kɔ̀nè.”

Lukàrzɛ̀ 3:12

Hwarzàŋgèlì hwa njàŋge yà lìkànèyà wɔ̀ hvɛ hwa mà jà ema a hwa lùhwìrzɛ̀. Rzìi hwa mò ijòwa nanù ema, “Ìi Mòòkòlèlì mamɛ ì tànɛyì lì gbeyà e?”

Lukàrzɛ̀ 3:14

Lòŋgò la hwàànèlì hwa njùma hvɛ hwa mà mò ijòwa nanù ema, “Mamɛ irzɔ hvɛ ì gbeyà e?” Yòwanìrzɛ̀ à mà hwa alàhwɛ̀ nanù ema, “È rzì ɔ̀njɔnɔ hwatò màlì. È rzì òhwa ema hwatò hwa gbèyi hweyà ema hwa rzà gbèyɛ ndi e òke mɔ̀nyɛ̀ŋgì nà mamɛ ema e lùwa nàa etàŋgì ya anyu.”

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.