Lukàrzɛ̀ 24:44 - Mokpwe: Bakwery (New Testament)

⁴⁴ Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 24:44 Mawu Ofanana

Matiyò 1:22

Hwenè hwe arzɛ hwe mà gbèyɛnɛ ò lì òndìrzɛ eyà ema Lohwɛ̀ à mà òme è mòòhwèlì wà èlìŋgɛ̀ ò lì òhwa nanù ema,

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 26:54

Ndi na gbe tɛ nanù, nɛ rzɔ na hweyòhwèlì hwe e kààtì ya Lohwà ema e òhwa nanù ema ene e ò gbèyɛ̀nɛ e òndìrzɛ̀hwɛ e?”

Matiyò 26:56

Ndi hwenè hwe arzɛ hwe ma gbèyɛ̀nɛ ò lì òndìrzɛ̀ mamɛ ema hwà-òhwèlì hwa hwèlìŋgɛ hwà mà tile ò e kààtì ya Lohwà.” Rzìi Hwà-òkòwèlì hwa arzɛ hwà mà mò rzɔnjɛ̀lɛ̀ rzìi hwa hwàŋga.

Makòrzì 9:31

Èhwanja à mà hwɛ lì òkòlɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hweni lì ŋgbààhwà ò hwatò hwa hwènàmà, wɔ̀ hwa mò òŋwa. O mburzà ya menya meyawò, a hvùmùwà ò lòŋgɛ.”

Lukàrzɛ̀ 21:22

Meenya me hwekɔkirzelì me ene. O ene hvònda ndi hweyà hwe arzɛ ema hwe ma tìlahwa hwe ò gbèyɛ̀nɛ.

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Lukàrzɛ̀ 9:44

“È nò òkànèyà, è rzi hvòŋgà hvɛ mamɛ na àrza lì è òhweyà. È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa hwènàma.”

Yòwanìrzɛ̀ 3:14

Nà òma Mòrzè à mà wòmeyà gbàahwà ò lìwòndì rzìi a lì tɛ̀mìrzɛ̀ ò mòrzanjɛ̀, nanù mɛnɛ hvɛ ndi è Ŋmanà wà è Mòtò wà Hwènàmà a ò tɛ̀mìrzɛ̀hwɛ̀.

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Yòwanìrzɛ̀ 5:46

È ma lòkɛ̀ tɛ Mòrzè ò tɛ̀ɛ̀tɛ̀ɛ, ò ma e nò lòkɛ̀ imbahvɛ èhwanja à mà tìla hweyà lì nò hvòmɛ̀nɛ̀.

Hwègbèèlì 13:33

Mɔ̀ à mà òndìrzɛ̀ eyà ema à mà òhwe ò lì akeyà nà irzɔ ema ì hwèlì ò mòtende mò awu, nà òma à mà hvùmùlɛ̀ Yerzù ò kpelì. Nà òma è tìlahwì ò kààtì yà mɛ̀rzɔ̀kɔ̀ yà ama Lohwɛ̀ ò èhvàrzù ema è ùkirzɛ̀ hwehwakɛ nanù ema, ‘Ò wà ò hwèlì ndi è Ŋmanà wà ami, yawònò nà mà jà ndi è Tatɛ̀ yà aŋgɔ̀.’

Hwègbèèlì 13:40

È àŋgòhweyà ema eyà ya wòhwe ema hwà-òhwèlì hwa hwèlìŋgɛ̀ hwà mà òhwe e rza e gbèyɛ̀nɛ inyɔ. Wɔ̀ hwà mà òhwa nanù ema,

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’

Hibrù 10:1

Imbenda ema Lohwɛ̀ à mà ŋgbe wònyà Yudà, i rzi hwɛ tɔ̀ eyà lì ayèkɛnɛ̀ hweyà hwe gbamù ema hwe o jɛ̀ɛ̀ o worzo. Iŋgi mbenda i rza tanɛ lì jo uŋmɛ̀lɛ̀ nɛ hwèŋge hweyà hwe o hwɛ. Ŋma tɛ ipilìrzi i ŋgbà Lohwɛ̀ màahweyà. Nɛ rzɔ iŋgi tumba ja mbenda ema i ŋgbà iŋgi tumba ja màahweyà i tànɛyi lì gbeyà hwatò ema hwa kombɛnɛ Lohwɛ̀ o lì hwɛ wòtani e? I rza tànɛyi.

Hibrù 3:5

Morzè à mà hwɛ ndi e mògbèèlì o e ndawò yà Lohwà ema à mà hwɛ lì gbèeyà Lohwɛ̀ na ŋmèma mɔ̀kɔ. A ma uŋmɛ̀lɛ̀ mamɛ ema Lohwɛ̀ a o gbèeyɛ o e hvonda ema e o jɛ̀ɛ̀.

Hibrù 7:1

Ono Mɛ̀lkirzɛ̀dɛ̀ki mɔ̀ ndi àma hwɛ e kiŋgɛ̀ ya Rzàlɛ̀mù. Ndèŋgànɛ̀lɛ̀ à mà hwɛ hvɛ e Pìlìrzì ya ama Lohwɛ̀ ema lì kàrzàmi lì aka. Nà oma Abràhamù à mà hwɛ lì tìmba o njùma ema à mà anane kiŋgɛ̀ inɛ̀yi rzìi a ji rzuwàna, Mɛ̀lkirzɛ̀dɛ̀ki à mà ùŋmanɛlɛ Abràhamù rzìi a mo nàmìrzɛ̀.

Hibrù 9:8

Èlìŋgɛ̀ yà Wòtani e ma gbeyà hwene hweyà o lì jo uŋmɛ̀lɛ̀ nanù ema, na oma i hwèlì i gbeyàna lìwondo la e rze ya mɔ̀nyɛ̀, e ma gbeyà ema irzɔ i rza tanɛyi o lì uka Lìwondo la Wòtani o èki ema Lohwɛ̀ a hwèlì.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.