Lukàrzɛ̀ 24:39 - Mokpwe: Bakwery (New Testament)

³⁹ È ɔŋgɔ̀ tɛ màa nà matàŋgà ma ami. È ɛnɛ ema ìmba mɛnɛ ònò! È nò mɔ̀me ò màa òma e ma hwiya nanù ema, mùu à rza hwɛnɛ ŋmìta, nyàmà nà hwèerze. Nà òmà e ɛnɛ, ìmba nà hwɛnì.”

Lukàrzɛ̀ 24:39 Mawu Ofanana

Lukàrzɛ̀ 23:46

O lìnì lìrzàkò ndi Yerzù a mà tɛ mòrzeya nanù ema, “Ìi Tatà nà hwàkɛ èlìŋgɛ̀ ya amì ò màà mà aŋgɔ̀!” Ène mbɔrzi ndi à mà òhwe rzìi a rzìyòwa mùùlù mò eni mò lìrzùkù.

Lukàrzɛ̀ 24:38

Yerzù à mà hwa ijòwa nanù ema, “Mamɛ ndeŋgàtɛ e jejì e? Mamɛ ndeŋgàtɛ mèèmà me anyu me òndì nà hwàmɛ e?

Lukàrzɛ̀ 24:40

Nà òma à mà kulɛ lì òhwa nanù, à mà hwa uŋmɛ̀lɛ̀ maà nà matàŋgà mà eni.

Yòwanìrzɛ̀ 20:20

Nà òma à mà kulɛ lì òhwa nanù, rzìi a hwa uŋmɛ̀lɛ̀ màà mà eni na èhvàrzù ya eni ya luuŋga. Hwà-òkòwèlì hwa eni hwà mà lìŋga na òma hwa mò ɛnɛ.

Yòwanìrzɛ̀ 20:25

È hvònda à mà je hwanɛ̀yi Hwà-òkòwèlì hwa mò òhweyà nanù ema, “Irzɔ ima ɛnɛ Rzàŋgò Yerzù.” Tɔ̀màrzì rzìi a hwa òhweyà nanù ema, “Nàtɛ̀ɛ na ɛnɛ hwèŋge hwetɛndɛ hwe merziŋge ò màà mà eni, rzìi na ika hwèyɔ̀nɔ̀ hwe ami ò hweŋge hwetɛndɛ, rzìi na ika hvɛ màà mà ami ò tòŋgòŋgò ya luuŋga la eni, na rza lòkɛ̀.”

Yòwanìrzɛ̀ 20:27

Rzìi à òhweyà Tɔ̀màrzì nanù ema, “Ika jɔ̀nɔ ja aŋgɔ ò hwene hwetɛndɛ anù. O ɔ̀ŋgɔ màà mà ami, rzìi wòwa màà mà aŋgɔ ò òkànèyà e tòŋgòŋgò ya lùuŋga la amì. O rzìi hwɛ òŋgò ema a rza lòkɛ̀yi, ò hwɛ ndi òŋgò ema a lòkɛ̀yi.”

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

Hibrù 12:9

Irzàŋgo ja arzu ja anu rze ya mɔ̀nyɛ̀, hwà mà jo kɔ̀kìrzɛ̀ lì hvomɛ̀nɛ̀ wòhwe ema i ma gbèye ndèŋgàna i hwa ŋgbà èluhwe. O eŋgànɛ̀lɛ̀ rzɔ ja àŋgàmɛ̀nɛ̀ o lì ŋgba Tatɛ̀ hwa arzu ema a hwèlì o ŋmanyu ya Lohwà èluhwe lì aka nanù aŋga nanù i hwɛ lòŋgɛ.

1 Yòwanìrzɛ̀ 1:1

Nà e tìleya o lì hvomɛ̀nɛ̀ e mɔ̀ ema a hwèlì e mbɔrzi yama Lohwɛ̀ ema e jànà lòŋgɛ. Mɔ̀ à mà hwɛ nàtɛ̀ɛ na o hwewotelì, I ma hweya hweyà o lì mo hvomɛ̀nɛ̀, i ma mo ɛnɛ̀ na mìirzɔ ma arzu, i ma mo ɔ̀ŋgɔ, ndèŋgànɛlɛ i ma mo tahva na màà mà arzù.