Lukàrzɛ̀ 23:8 - Mokpwe: Bakwery (New Testament)

⁸ Hɛ̀rɔ̀dì à mà hwɛnɛ nyɔ̀ŋgi ò lì ɛnɛ̀ Yerzù lì hvomɛ̀nɛ̀ hweyà ema à mà mò hweyàne. À mà àrza lì ɛnɛ̀ nà òmà Yerzù a gbeyà mànyakà mà eni ma hweyà. O èŋgànɛ̀lɛ̀ à mà òka mɔ̀nyɛ̀ŋgì nà òmà hwa mà mò jàneya Yerzù.

Lukàrzɛ̀ 23:8 Mawu Ofanana

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Makòrzì 6:14

È mòkànèlì Hɛ̀rɔ̀dì a mà hweyà hwenè hweyà ema Yerzù ama hwɛ lì gbeyà. Èhwanja hweyà hwe gbamù Yerzù à mà hwɛ lì gbeyà, hwe ma gbeyà a mà hwìyɛ̀nɛ̀ hwèkì hwe àrzɛ. Lòŋgò la hwatò hwa mà hwɛ ndi lì òhwa nanù ema, “Yòwanìrzɛ̀ è Mòlùhwìrzèlì ndi à mà hvùmùwɛ̀ ò kpelì, ɔ̀ndeŋgàtɛ̀ a òhvi ŋginyà ya lì gbeyà manù mànyàkà mà arzɛ.”

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Hwègbèèlì 8:19

rzi mɔ̀ à òhwa nanù ema, “È nò ŋgbe imba hvɛ ene ŋginyà. Aŋga nanù tɔ̀ ima mòtò ema imba hvɛ na hwàkɛ̀yi màà mà ami, mɔ̀ hvɛ a luwa Èlìŋgɛ̀ yà Wòtani.”