Lukàrzɛ̀ 23:6 - Mokpwe: Bakwery (New Testament)

⁶ Nà òmà Pìlatò à mà hweye nanù, rzìi à ijòwa ŋgà Yerzù à hwèlì ndi mòtò wà Galìlì.

Lukàrzɛ̀ 23:6 Mawu Ofanana

Matiyò 26:69

Nà òma Pètrò à mà lìya aŋga èwòka, rzìi mògbèèlì mɔ̀kɔ wà ŋgɔ̀ndɔ̀ wà ama è pìlìrzì è kàrzamì è mò jèeyà, rzìi à mò òhweyà nanù ema, “Ò hwèlì ndi mɔ̀kɔ hwa hwaŋga hwatò ema hwa ɛ̀ndɛ̀lɛ̀nɛ̀ nà Yerzù òŋgò munyanà wà erzòòkà yà Galìlì”

Lukàrzɛ̀ 13:1

Nà òma Yerzù a mà hwɛ lì òhwa nanù, lòŋgò la hwatò hwà mà hwɛ aŋga hwa mà mò òhweyà nɛ Pìlatò à mà òŋwe hwatò hwa Gàlìlì è hvònda hwa mà hwɛ lì ŋgbà màahweyà ma hwèembè òma Lohwɛ̀.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Lukàrzɛ̀ 23:7

Nà òmà ekòmè yà Galìlì è mà hwɛ ndi ò lìkànèyà là ama Hɛ̀rɔ̀dì, Pìlatò à mà mò òmeya Yerzù. Liŋgi lìrzàkò Hɛ̀rɔ̀dì mɔ̀ hvɛ à mà hwɛ ò Jèrurzalɛ̀mù.

Hwègbèèlì 5:37

O mburzà nanù, ò èŋge hvònda ema hwà mà hwɛ lì tìla mìinà, òma hwɛ mòtò à mà hwɛ̀lɛ̀hwɛ̀ Jùdàrzì mòtò ema a uwɛ̀lɛ̀lɛ̀yi ò Gàlìlì. A ma kòòhwa hwatò ò lì mò òŋgama. Mɔ̀ hvɛ à mà òŋwahwa, ò èŋgànɛ̀lɛ̀ hwànɔ̀ŋgèlì hwa eni hwa arzɛ hwà mà bùweyà.