Lukàrzɛ̀ 23:5 - Mokpwe: Bakwery (New Testament)

⁵ Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Lukàrzɛ̀ 23:5 Mawu Ofanana

Matiyò 11:1

È hvònda Yerzù à mà kulɛ lì kòkòhwɛ̀lɛ̀ lìyòmɛ la eni la Hwà-òkòwèlì na hwahwakɛ, à mà anjiya aŋga lì ɛ̀ndɛ lì òkòlɛ̀ na lì òhwa Èya ya Lohwà ò mambòwà ema mà ma kòmbɛnɛ.

Matiyò 2:1

Nà òma Yerzù à mà ŋyahwe ò mbòwà yà Bɛ̀tlɛ̀hɛmù, ò erzòòkà yà Jùdèyà, ò eŋge hvòndà Hɛ̀rɔ̀dì ndi à mà hwɛ è Kiŋgɛ̀. Hwàlaŋgà rzòmbe hwa mà uhwèyà wate rzi hwa jà ò mbòwà yà Jèrurzalɛ̀mù.

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Makòrzì 1:14

O mburzà hvònda Yòwanìrzɛ̀ à mà aŋgɛ̀hwɛ̀ ò hwèwòwà. Ò mburzà hvònda ema Yòwanìrzɛ̀ à mà aŋgɛ̀hwɛ̀ ò hwèwòwà, Yerzù rziì à ɛ̀ndɛ ò erzòòkà yà Galìlì, rzìi à òhweyà hwatò Ŋmɛ̀ndì mò Gbamù mò ama Lohwɛ̀, à hwa òhweyà nanù ema,

Lukàrzɛ̀ 11:53

Nà òmà Yerzù a mà ànjiye èŋge èki, hwà-òkòlèlì hwa mbenda nà Ihvàlìrzàyì hwa mà mò tèŋgɛnɛ ŋginyà rzìi hwa mò ijòwa rzayì-rzayì ja mìijòwelì.

Lukàrzɛ̀ 23:23

Ndi è ŋgìndì è mà lòrzòwa ò ŋmanyu ema Yerzù à wòmàyɛ̀lɛ̀hwɛ̀ ò mbarza, lìnì lì lòrzòwà ndi lì mà hwa rzùulɛ̀.

Lukàrzɛ̀ 23:6

Nà òmà Pìlatò à mà hweye nanù, rzìi à ijòwa ŋgà Yerzù à hwèlì ndi mòtò wà Galìlì.

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 19:15

Hwàŋga hwatò hwa tɛ nanù ema, “È mò òŋwe! È mò òŋwe! È mò wòmeya ò mbarza.” Pìlatò rzìi a hwa ijòwa nanù ema, “Nà wòmeya e kìŋgɛ ya anyu ò mbarza e?” Ipìlìrzì ndɛnɛ rzìi i tɛ ò ŋmanyu nanù ema, “I rza òhvi ehvɛhvɛ kiŋgɛ̀ lì aka tɛ Kàyìrzà.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 7:41

Lòŋgò la hwahvɛhvɛ hwatò hwa mà hwɛ ndi lì òhwa nanù ema, “À hwèlì ndi è Mɔ̀ à Ɔ̀kirzɛ̀hwɛ̀yi.” Tɔ nɛ, lòŋgò hvɛ hwà mà hwɛ ndi lì òhwa nanù ema, “Ndi è Mɔ̀ ema à Ɔ̀kirzɛ̀hwɛ̀yi à rza tànɛyi lì uwɛ̀lɛ̀lɛ̀yi ò Galìlì.

Yòwanìrzɛ̀ 7:52

Rzìi hwa òhwa nanù ema, “Wàhvɛ o uwɛ̀lɛ̀lɛ̀yi ndi ò Gàlìlì e? O arze ò Kààtì ya ama Lohwà ò ɛnɛ ò wà witi ema tɔ̀ Mòòhwèlì wà èlìŋgɛ̀ a rzi uwɛ̀lɛ̀lɛ̀yi ò Gàlìlì.”

Hwègbèèlì 10:37

Ndeŋgànɛ̀lɛ̀ e hwi eyà ema e ma gbèyɛ̀nɛ ò hwèrzòòkà hwe arzɛ hwe Jùdeyà, lì wòteyà ò Gàlìlì. Ène eyà e ma hwɛ ndi ò mburza hvònda ema Yòwanìrzɛ̀ à mà òhweyà hwatò lì hvòmɛ̀nɛ̀ lì lùhwìrzɛ̀.

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 5:33

Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

Hwègbèèlì 7:54

Nà òma wòlìya wò mbòwa hwà mà òkànèyà hweyà ema Rzìtehvànɛ à mà hwɛ lì òhwa, wɔ̀ hwà mà òhva hwetatò rzayi-rzayi rzìi hwa a kɔ̀kɔ̀ mehvehve me awu.

Hwègbèèlì 7:57

Nà òma wòlìya wò mà hweye nanù, rzìi hwa umba matò mà awu nà màà mà awu, rzìi hwa wòteyà lì tɛ̀ɛ̀ ò ŋmanyu nà lìlò lì karzamì rzìi hwa arzɛ hwa urzùweyà Rzìtehvànɛ.