Lukàrzɛ̀ 23:43 - Mokpwe: Bakwery (New Testament)

⁴³ Yerzù, rzìi a tìmbirzɛlɛlɛ nanù ema, “Nà ò òhweyà è jɔ̀kɛ̀ ema, yàwònò ò hwɛ nà ìmba ò pàlàdìrzì.”

Lukàrzɛ̀ 23:43 Mawu Ofanana

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 23:42

Aŋgà ndi àyeŋgòwɛ̀lɛ̀lɛ̀ Yerzù, rzìi a mò òhweyà nanù ema, “Ìi Yerzù, ò rzì nò hvòŋgà ò ma uka tɛ ò lìkànèyà lì aŋgɔ̀.”

Yòwanìrzɛ̀ 14:3

Ndèŋgana na ɛndi tɛ ò lì e rzèkeya èki ya anyu, na ò tìmba hvɛ ò mburzà ò lì e wòwa ema e hwɛ na imba. Àŋga nanù inyɔ hvɛ e hwɛ ò èki ema na hwèlì.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

2 Kɔ̀rintìyà 5:8

Ja àhvìtɛ̀ nanù ema a jo ŋgba nyo hvènya ndèŋgàna i hwɛni lì rzɔnjɛ̀lɛ̀ i nyo ja arzu o lì ɛndɛ lì hwɛ na Rzàŋgo Yerzù.

Hvìlipìyà 1:23

Hwene hweyà hweahwakɛ hwe no tɛmelì o worzo, ndèŋgànɛ̀lɛ̀ e no ambani o lì hwiya e yɔ ema na hvɔ̀rzɔ̀. Nà lìŋgàni lì o hwɛmɛ lìni lòŋgɛ rzìi na hwɛ na Krirztò, ehwànja eŋge eyà e lɔ̀wu lì aka lì hwɛ anu rze.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”