Lukàrzɛ̀ 23:41 - Mokpwe: Bakwery (New Testament)

⁴¹ Ì rzɔ ja àŋgàmɛ̀nɛ̀yi lì ŋwa, ò hweyà hwe arzu hwe wòhwe ema ì gbèyi. Ò nò mòtò a rza gbèyi tɔ̀ eyà ya wòhwe.”

Lukàrzɛ̀ 23:41 Mawu Ofanana

Matiyò 27:19

Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Matiyò 27:4

Jùdàrzì rzìi à òhwà nanù ema, “Nà gbèyi wòhwe, nà àhwirzɛ̀ mòtò ema a rzà gbèèyɛ̀ tɔ̀ eyà ya wòhwe. Mɔ̀ ònò naŋgɛ ema hwa hwɛni lì òŋwa ò ŋgundu.” Hwà mò àlahwɛ̀ hwà nanù emà, “Mamɛ e hwèlì e njɔ̀mì ya arzu aŋga e? Èŋge e hwèlì ndi è ya aŋgɔ̀!”

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Lukàrzɛ̀ 23:40

Ɔnɛ̀yi mòtò wà wòhwe rzi à mò kànja nanù ema, “Ò rza òka Lohwɛ̀ wɔ̀ŋgɔ̀ e? Ì lu ndi kɔ̀kìrzɛ̀ hvɔ̀kɔ nà ò nò mòtò ema à rza gbèyɛ tɔ̀ eyà.

Lukàrzɛ̀ 23:42

Aŋgà ndi àyeŋgòwɛ̀lɛ̀lɛ̀ Yerzù, rzìi a mò òhweyà nanù ema, “Ìi Yerzù, ò rzì nò hvòŋgà ò ma uka tɛ ò lìkànèyà lì aŋgɔ̀.”

1 Tɛ̀rzàlonìyà 2:10

È hwèlì ndi imboŋgi ja arzu, ndèŋgànɛ̀lɛ̀ Lohwɛ̀ mɔ̀ hvɛ a hwèlì ndi e mboŋgi ya arzu, e hvonda ema i ma hwɛ o ìtììtènì ja anyu, inyɔ ema e lòkɛ̀yi, ɛ̀ɛ̀mɛ̀ ya arzu e ma rzàŋga, i ma hwɛ lì gbeyà hweyà hwe gbamù ndèŋgànɛ̀lɛ̀ i rzi hwɛnɛ tɔ̀ njɔ̀mi tɔ̀ hvɔ̀kɔ o inyo ja arzu.

Jèmìrzì 4:7

O eŋgànɛ̀lɛ rzɔ e arzìhwìrzɛ̀ inyɔ̀ hwiti o worzo wo ama Lohwɛ̀. È hwɛ màniya o ma Mòkarzɛ̀. Inyɔ e gbèyi tɛ nanù mɔ̀ a e hwaŋga.

1 Pètrò 1:19

Ndi inyɔ e ma kɔ̀tɔ̀wɔ̀ ndi na màyija ma wòlìtò ma ama Krirztò, mɔ̀ ema à mà hwɛ ndi nàa ŋguma mɔ̀lɛ̀ŋgù ema mo rzi hwɛnɛ tɔ̀ lìtònà tɔ lɔ̀kɔ ò nyo ya eni.

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.