Lukàrzɛ̀ 23:33 - Mokpwe: Bakwery (New Testament)

³³ È hvònda ema hwa mà uke, ò èki ema è hwɛ̀lɛ̀hwɛ̀ Èkeke yà Mèyòhvò, rzìi hwa wòmeyà Yerzù ò mbarzà nà hwaŋga hwatò hwa wòhwe hwahwàkɛ. Mɔ̀kɔ ò lìya là eni là mòmɛ, ɔ̀nɛ̀yi hvɛ ò lìya là ŋmàlì.

Lukàrzɛ̀ 23:33 Mawu Ofanana

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Lukàrzɛ̀ 24:7

À mà òhwa nanù ema, ‘È Ŋmanà wà è Mòtò wà Hwènàmà à hwɛnì lì ŋgbààhwà ò màà mà hwatò hwa wòhwe. À wòmàyilɛhwɛ̀ ò mbarza, à ŋwa. O mèenyà meyawò à hvùmùwà.’”

Yòwanìrzɛ̀ 18:32

Ène eyà e ma gbèyɛ̀nɛ ndi nanù, ò lì òndìrzɛ̀ eyà e ma Yerzù à mà lòme lì òhwa, lì hvòmɛ̀nɛ̀ e tumba kpelì ema mɔ̀ à ò ŋwɛ.

Yòwanìrzɛ̀ 3:14

Nà òma Mòrzè à mà wòmeyà gbàahwà ò lìwòndì rzìi a lì tɛ̀mìrzɛ̀ ò mòrzanjɛ̀, nanù mɛnɛ hvɛ ndi è Ŋmanà wà è Mòtò wà Hwènàmà a ò tɛ̀mìrzɛ̀hwɛ̀.

Hwègbèèlì 13:29

È hvònda ema hwa mà kùlɛ̀ lì òndìrzɛ̀ mamɛ ema è mà tìlahwa ò è kààtì yà Lohwà lì hvomɛ̀nɛ̀ Yerzù, hwa mà mò rzìhwìrzɛ ò mbàrza, rzìi hwa mò ika ò rzɔ̀ŋgɔ̀ ema è mà hvòkòwahwa ò tenì yà màŋyàyi.

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 5:30

È hvònda ema inyɔ e ma kulɛ lì wòmeyà Yerzù ò mbarza, e ma mò òŋwa, Lòohwà la ama i mbamba ja arzu i ma mò hvùmùlɛ̀.

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.