Lukàrzɛ̀ 23:27 - Mokpwe: Bakwery (New Testament)

²⁷ Ŋgindi ndɛnɛ̀ è mà òŋgama Yerzù. O èŋge ŋgìndì ema e ma òŋgama Yerzù, ò mà hwɛ hwalanà ema hwà mà hwɛ lì eyaa nà lì ɛhwɛ Yerzù.

Lukàrzɛ̀ 23:27 Mawu Ofanana

Matiyò 11:17

ema, ‘Je e tòŋgelì hvòle, ndì e rza rzàyi. Je e embelì mɛ̀rzɔ̀kɔ̀ me kpelì, ndi inyɔ e rza ɛhwi.’

Matiyò 27:55

Rzayi-rzayi ja hwalanà ema hwa mà wòteyà lì nɔ̀ŋgɔ nà ì òŋgòwànà Yerzù lì wòteyà ò Galìlì, hwa mà tɛ̀mɛ̀ hvòka, ò lì ɔ̀ŋgɔ mamɛ yà arzɛ ema è mà hwɛ lì gbèyɛ̀nɛ̀.

Makòrzì 15:40

Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Lukàrzɛ̀ 23:28

Yerzù à mà hwa ayèŋgòwɛ̀lɛ̀lɛ̀ mìirzɔ̀, rzìi a hwa òhwèyà nanù ema, “Ìi hwalanà hwa Jèrurzalɛ̀mù, è rza nò eyaa imba. Yà à eyɛɛ ndi inyɔ hwìti nà hwaanà hwa anyu.

Lukàrzɛ̀ 23:55

Hwàŋga hwalanà ema hwa mà wòteya lì òŋgama Yerzù ema hwa mà uhwɛlɛlɛ ò Galìlì, hwa mà òŋgama Jòrzɛ̀hvù, ò lì ɔŋgɔ̀ è rzɔ̀ŋgɔ̀ ema hwa mà nàŋgɛlɛ Yerzù.

Lukàrzɛ̀ 8:2

Lòŋgò la hwalanà ema hwà mà òhva hwèlìŋgɛ̀ hwe wòhwe, nà hwanɛ̀yi ema hwà mà òhva mehvɛhvɛ mèrziyò, ema mɔ̀ à mà wɔ̀wìrzɛ̀, wɔ̀ hvɛ hwa mà hwɛ nà mɔ̀. Hwanù hwalanà hwa mà hwɛ ndi, Màlìyɛ̀ ema à mà hwɛ̀lɛ̀hwɛ̀ Màdalenà, ema Yerzù a mà hvaye hwèlìŋgɛ̀ lìrzàmba hwe wòhwe ò nyò yà èni,

Lukàrzɛ̀ 8:52

Hwatò hwa arzɛ hwa mà hwɛ lì eyàa, nà lì èhwɛ òŋgò ŋmanà. Yerzù rzìi a hwa òhweyà nanù ema, “È rza eyàa. È ŋmanà à rzi ŋwelì, a hwèlì ndi ò ìjɔ.”

Yòwanìrzɛ̀ 16:20

Nà e òhweyà ndi e jɔ̀kɛ̀, e ò èya na lì ɛhwɛ ndi e rze e hwɛ ò mɔ̀nyɛ̀ŋgì. È ò hwɛ ndi rzɔ̀lùu, ndi e rzɔ̀lùu e anyu e ò tìmba ndi mɔ̀nyɛ̀ŋgì.