Lukàrzɛ̀ 23:25 - Mokpwe: Bakwery (New Testament)

²⁵ À ma hwa rzòlòhweya è mòtò ema hwa mà àrze. Òŋgò mòtò ema à ma òŋwa è mòtò, ema à ma jànà hvɛ lùwànje ò mbòwà. À mà hwa ŋgba Yerzù à ma hwa mò gbeyàne tɔ̀ mamɛ ema hwa mà àrze.

Lukàrzɛ̀ 23:25 Mawu Ofanana

Matiyò 27:26

Aŋga ndì Pìlatò à a hwà rzòlòhweyà Bàrabàrzì. O mburza hvònda ema à mà akɛlɛ lìlò nanù ema hwa gbiyɛ Yerzù, rzìi a mò akɛlɛ nanù ema hwà mò wòmeya ò mbarza.

Makòrzì 15:15

Nà òmà Pìlatò, a mà àrze lì ujìrzɛ̀ hwaŋga hwatò à hwa rzòlòhweyà Bàrabàrzì. À mà ŋgba hwaànèlì hwa njùma è wònjà ema hwa gbiyɛ̀ Yerzù rzìi hwa mò wòmeya ò mbarza.

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Lukàrzɛ̀ 23:24

Aŋgà ndi Pìlatò à akɛlɛ è mbàkò ema è ŋgìndì e mà àrze.

Lukàrzɛ̀ 23:26

Hwaànèlì hwa njùma hwa mà tìmba Yerzù, ò èki ema hwa hvànɛ hwatò. Hwa mà taneya Rzìmɔ̀nì, mùnyanà wà è mbòwà yà Rzelìni. Hwa mà mò hvɔɔtɔ̀, rzìi hwa mò hwànirzɛ è mbarza yà ama Yerzù. À mà hwànɛ è mbarza, rzìi a òŋgama Yerzù ò mburzà.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Yòwanìrzɛ̀ 18:40

Wɔ̀ hwa mà alàhwɛ̀ nà mèrzeya nanù ema, “Jàyɛ̀! Rzekɛtɛ mɔ̀. Ò jò rzòlòhweya ndi Bàrabàrzì!” (Bàrabàrzì à mà hwɛ ndi ŋmìhwɛ̀ mò ndɛɛ̀ndɛ).

Yòwanìrzɛ̀ 19:16

Pìlatò rzìi a hwa ŋgbà Yerzù à mà hwa ɛ̀ndɛ hwa mò wòmeya ò mbarza. Àŋga ndi hwà mà wurzana Yerzù.

Hwègbèèlì 3:14

È mà rzɔ̀rzɔ̀ è mɔ̀ wà Wòtani nà Èhve-ehve, rzìi inyɔ è timba ndi lì rzòrzòmeyà Pìlatò nanù ema à è rzòlòhweyà ndi è mòtò ema à òŋwa hwatò.