Lukàrzɛ̀ 23:2 - Mokpwe: Bakwery (New Testament)

² Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Lukàrzɛ̀ 23:2 Mawu Ofanana

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 22:21

Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

Matiyò 27:11

Ò ene hvònda Yerzù à mà tɛ̀mɛ̀ ò wòrzò wò amà Pìlatò ema à mà hwɛ lì kànèyà erzòòkà yà Yudà. Pìlatò rzìi à mò ijòwa nanù ema, “Ò wà ndì ò hwèlì è kiŋgɛ̀ yà wònyà Yudà è?” Yerzù rzìi à mò alàhwɛ̀ nanù ema, “È hwèlì ndì nà òma ò òhwì”

Makòrzì 12:17

Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

Makòrzì 15:2

Pìlatò rzìi à mò ijòwa nanù ema, “Ò wà ndi ò hwèlì è kiŋgɛ̀ yà hwatò hwa Yudà e?” Yerzù rzìi à mò tìmbìrzɛ̀lɛ̀lɛ̀ nanù ema, “Nà òma òhwi.”

Lukàrzɛ̀ 23:14

rzìi a hwa òhweyà nanù ema, “È nò jànelì ò nò mòtò rzìi e nò òhwèlì ema mɔ̀ ndì à jàni luhwànje ò mèyòhvò mè hwatò. Nàŋgɛ rzɔ̀, nà mà mò kàyìrzɛ ò wòrzò wò inyɔ hwa àrzɛ. Nà rza mò lùwànì tɔ̀ lìtìŋgà tɔ̀ lɔ̀kɔ, ò hweyà hwe àrzɛ ema è òhwì lì mò teŋgɛ̀nɛ̀.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Yòwanìrzɛ̀ 18:29

O èŋgànɛ̀lɛ̀ Pìlatò à mà wurza ò lì hwa ùŋmanɛlɛ rzìi a hwa ijòwa nanù ema, “Ima njɔ̀mi e lu lì teŋgɛ̀nɛ̀ ònò mòtò e?”

Yòwanìrzɛ̀ 18:30

Hwà mà mò alàhwɛ̀ nanù ema, “Mɔ̀ a rzi hwɛ tɛ mòtò wa wòhwe, òma irzɔ i rza ò akɛlɛlɛ e mɔ̀.”

Yòwanìrzɛ̀ 19:12

Nà òma Pìlatò à mà hwèye nanù rzìi à wòteyà lì arza nɛ à rzòlòhweyà Yerzù ndì hwaŋga hwatò hwa mà tɛ̀ɛ̀ nanù ema, “Ò rzòlòhwì tɛ ònò mòtò, nanù òma ò rza enje yòrza yà ama Kàyìrzà. Tɔ̀ njɛnɛ à ahwɛlɛyi ŋmìti Kìŋgɛ òma à teŋgɛ̀nɛ̀yi Kàyìrzà.”

Hwègbèèlì 24:13

Hwa rza tànɛyi hvɛ tɔ̀ lì ò uŋmɛ̀lɛ̀ lìtiŋga lɔ̀kɔ ò hwenè hweyà hwe arzɛ ema hwa òhwa lì nò teŋgɛ̀nɛ̀.

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Ròmànì 13:7

Tɔ̀ ima mɔ̀ hwa anyu rzɔ a hwa rzaweya mamɛ aŋgàmɛ̀nɛ̀yi lì hwa rzaweya. Tɔ̀ ima wòlì ema hwa e ijò ò lì rzàawà, ò erzàŋgò ema e hwɛni. È òke hwatò ema e hwɛni lì òka wɔ̀ŋgɔ̀, ndèŋgànà e ŋgbe hvɛ èluhwe ò hwatò ema e hwɛni lì ŋgba èluhwe.