Lukàrzɛ̀ 23:19 - Mokpwe: Bakwery (New Testament)

¹⁹ (Bàrabàrzì à mà hwɛ ndi mòtò mɔ̀kɔ, ema à mà aŋgɛhwɛ ò hwèwòwà. Ò nò mòtò Bàrabàrzì à mà òŋwa mòtò, rzìi à jànà lùwànje ò mbòwà).

Lukàrzɛ̀ 23:19 Mawu Ofanana

Makòrzì 15:7

Ò èŋge hvònda, mòtò mɔ̀kɔ ema à mà hwɛ̀lɛ̀hwɛ̀ Bàrabàrzì, à mà hwɛ ò hwèwòwà. À mà hwɛ ò hwèwòwà nà hwahvɛhvɛ hwatò ema hwà mà hvùŋguhwa lìkànèyà là Ròmànì.

Lukàrzɛ̀ 23:18

È ŋgìndì yà àrzɛ è mà lòrzòwa nà ŋginyà nanù ema, “È wòwe ònò mòtò, è mò òŋwe! Ò jò rzòlòhweya Bàrabàrzì.”

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Lukàrzɛ̀ 23:20

Pìlatò à mà àrza lì hwɛ̀mɛ Yerzù, aŋga ndi à àtɛ̀kɛ̀ è ŋgìndì hvɛ.

Lukàrzɛ̀ 23:5

Ndi hwa mà tìnɛlɛ rzìi hwa òhwa nanù ema, “Hwèyòkòlèlì hwe ama ò nò mòtò, hwe hvɛhvi hwatò hwa arzɛ nà mèèrzɔ̀ɔ̀nì ò èrzòòkà yà àrzɛ yà Jùdeyà. À mà hwe wòteyà ò Galìlì rzìi à hwe jàni hvɛ anù.”

Hwègbèèlì 21:38

Èŋge ŋgànà e hwèlì ndi nanù ema rzeketɛ ò wa ndi ò hwèlì òŋgò mòtò wa Ìjiptò ema à mà jà anu ò hvònda hvɔ̀kɔ rzìi a jànà lùwànje. Mɔ̀ à mà rzàŋga hwekòlì hweni hwe hwàanà njuma, hwà-òŋwelì hwa hwatò rzìi a hwa ɛ̀ndɛ̀nɛ̀ ò mòrzànjɛ.”

Hwègbèèlì 3:14

È mà rzɔ̀rzɔ̀ è mɔ̀ wà Wòtani nà Èhve-ehve, rzìi inyɔ è timba ndi lì rzòrzòmeyà Pìlatò nanù ema à è rzòlòhweyà ndi è mòtò ema à òŋwa hwatò.