Lukàrzɛ̀ 23:13 - Mokpwe: Bakwery (New Testament)

¹³ Pìlatò à ma rzàŋgà Ipìlìrzì ndɛnɛ, nà hwàtìmbèlì, nà hwahvɛhvɛ hwatò,

Lukàrzɛ̀ 23:13 Mawu Ofanana

Makòrzì 15:14

Pìlatò rzìi a hwa ijòwa nanù ema, “Mamɛ ndèŋgàtɛ̀ e? Ima eyà ya wòhwe a gbèyi e?” Ndi hwa mà làmbòwà ndi ò ŋmanyu nanù ema, “O mò wòmeya ò mbarza!”

Lukàrzɛ̀ 23:35

Nà òmà è ŋgìndì e mà tɛ̀mɛ̀ ò lì ɔŋgɔ̀ Yerzù, rzìi hwàtìmbèlì hwa lìmeya ndi lì kìkòwa Yerzù nanù ema, “À mà òŋgirzɛ hwànɛ̀yi, a àwòŋgìrzɛ̀ hvɛ mɔ̀ ŋmìti jò ɔ̀ŋgɔ, è hwèlì tɛ ema ò jɔ̀kɛ̀ mɔ̀ ndì Lohwɛ̀ a hvɔ̀rzì, ema a Ɔ̀kirzɛ̀hwɛ̀yi.”

Lukàrzɛ̀ 24:20

Ndi Ipìlìrzì ndɛnɛ ja arzu, nà hwànɛ̀yi hwàtìmbèlì hwa e mbòwà hwa mà mò ŋgba ò maà ma hwàkànèlì ema hwa ŋgbè e mbakò nanù ema hwa mò òŋwe. Rzìi hwa mò wòmeyà ò mbarza.

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 18:38

Pìlatò rzi a mò ijòwa nanù ema, “Mamɛ e hwèlì jɔ̀kɛ̀ e?” Nà òma Pìlatò à mà kulɛ lì ijòwa Yerzù mene miijòwelì rzi a wurza hvɛ ò ewòka ò lì ùŋmanɛlɛ hwatò hwa Yudà. Rzìi à wa òhweyà nanù ema, “Nà rza lùwànì ò nò mòtò tɔ̀ njɔ̀mi tɔ̀ hvɔ̀kɔ ema na òhwa nanù ema hwa mò òŋwa.”

Yòwanìrzɛ̀ 19:4

Pìlatò rzìi à wurza hvɛ ò èwòka rzìi à òhweyà hwaŋga hwatò hwa arzɛ nanù ema, “Nà è wùrzìrzɛ̀lɛ̀ è mɔ̀ nàŋgɛ, ndi è hvɔ̀ŋgɛ̀ kɔ̀yi-kɔ̀yi nanù ema nà rza mò lùwànì tɔ̀ njɔ̀mì.”

Yòwanìrzɛ̀ 3:1

O ma hwɛ mòtìmbèlì mɔ̀kɔ wa wònyà Yudà ema mɔhvɛ à mà hwɛ ndi mòtò wa ehvehva ya Hvàlìrzàyì, à mà hwɛ̀lɛ̀hwɛ̀ ndi Nikòdemòrzi.

Yòwanìrzɛ̀ 7:26

Ɔ̀ŋgɔ a tɔ̀yìrzɛ na hwatò ò mòtèyi, ndi hwàmbaki hwa hwatò hwa rza mò òhwìrzɛ̀nɛ̀ tɔ̀ eyà. Ŋga hwa hwi na e jɔ̀kɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi!

Yòwanìrzɛ̀ 7:48

È ma màà lì ɛnɛ mòtìmbèlì mɔ̀kɔ tɔ̀ Hvàlìrzàyì mɔ̀kɔ ema à mò lòkɛ̀ e? Tɔ̀ mɔ̀kɔ a rza mò lòkɛ̀.

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 3:17

“Ìi wònyàmòwe kòkò hwa Irzàyɛ̀lì, na hwi nanù ema tɔ̀ ima lìtumba la eyà ema inyɔ na hwàtìmbèlì hwa anyu e ma gbeyàne Yerzù, e ma e gbeyà ndi ehwànja e rzi hwiye mamɛ e ma hwɛ lì gbèeyà.

Hwègbèèlì 4:5

Ènɛyi eka ya elele, hwàkànèlì hwa wònyà Yudà, hwàmbaki hwa mbòwa na hwà-òkòlèlì hwa mbenda hwà mà arzàŋgànɛ ò mbòwa ya Jèrurzalɛ̀mù.

Hwègbèèlì 4:8

Pètrò rzɔ, ema ama ònda na Èlìŋgɛ̀ yà Wòtani à mà hwa alàhwɛ̀ nanù ema, “Hwàkànèlì na hwàmbaki hwa arzu hwa e mbòwa,