Lukàrzɛ̀ 23:11 - Mokpwe: Bakwery (New Testament)

¹¹ Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 23:11 Mawu Ofanana

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:6

O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Makòrzì 9:12

Yerzù rzìi a hwa tìmbìrzɛ̀lɛ̀lɛ̀ nanù ema, “Nà è jɔ̀kɛ̀, Èlàyijà a hwɛnì lì lòma lì jà ò lì rzɛ̀ŋgɛ̀nɛ̀ hweyà hwe àrzɛ. Mamɛ ndèŋgàtɛ̀ e tìlahwì ò Kaàti ya ama Lohwɛ̀ nanù ema è Ŋmanà wà è Mòtò wà Hwènàmà à hwɛnì lì taka rzayì-rzayì, rzìi hwa mò ndinda e?

Lukàrzɛ̀ 23:10

Ipìlìrzì ndɛnɛ nà hwà-òkòlèlì hwa mbenda hwa mà tɛ̀mɛ̀ rzìi hwa mò kìkòwà.

Yòwanìrzɛ̀ 19:5

Yerzù rzìi à wurza ò èwòka nà è tamba yà njenje ò mòhvò mò eni nà mòŋgòmbè mò teya ema hwa mà mò wɔ̀tìrzɛ̀. Pìlatò rzìi à òhwa nanù ema, “È ɔ̀ŋgɔ tɛ è mòtò mɔ̀ ònò!”

Jèmìrzì 2:2

Inyɛ̀ i wòwe nanù ema mòtò a kpèelì o èki ema e arzàŋgànɛ, rzìi a wɔ̀ti jɔ̀ndɔ jà gòòlù, rzìi a wɔ̀tɔ̀ hvɛ màwɔ̀ti ma gbamù, rzìi mòlìrza mo mòtò mɔ̀ hvɛ mo kpèeyà ema mo wɔ̀ti mààtù ma mbindo.

Jèmìrzì 2:3

Inyɔ e uŋmɛ̀lɛ̀ tɛ oŋgo mòtò ema a wɔ̀ti màwɔ̀ti ma gbamù, èluhwe rzayi-rzayi rzìi e mo òhweyà nanù ema, “Liya ene mboko ya gbamù ema e hwèlì anu,” ndi e ohweyà mòŋgo molìrza mo mòtò nanù ema, “Tɛmɛ aŋga,” tɔ̀ ema, “lìya aŋga o rze ya mɔ̀nyɛ̀,”