Lukàrzɛ̀ 22:8 - Mokpwe: Bakwery (New Testament)

⁸ Yerzù rzìi a òma Pètrò nà Yòwanìrzɛ̀, a hwa òhweyà nanù ema, “È ɛ̀ndɛ̀ e rzɛ̀ŋgɛ̀nɛ̀ hwèlèèlì hwe lì Akà Ɔnɛ̀yi.”

Lukàrzɛ̀ 22:8 Mawu Ofanana

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Lukàrzɛ̀ 22:9

Hwa mà mò ijòwa nanù ema, “One ò àrza nanù ema ì hwe rzɛ̀ŋgɛ̀nɛ̀ e?”

Hwègbèèlì 3:1

Wùnyà wɔ̀kɔ̀ Pètrò nà Yòwanìrzɛ̀ hwà mà hwɛ lì ɛ̀ndɛ ò Ndawò yà Lohwà ò e hvònda ya màkanɛ̀. Èŋge hvònda e ma hwɛ ndi ŋgɛ̀ŋgì iyàwò ja ŋmerze.

Hwègbèèlì 3:11

Nà òma òŋgò mòtò à mà alɛ̀mbɛ̀nɛ Pètrò nà Yòwanìrzɛ̀, hwatò hwa arzɛ hwà mà tàmà rzìi hwa wòteyà lì hwaŋga ò lì ɛndɛ lì hwa ùŋmànɛ̀lɛ̀ ò e hvàlandà ema e hwɛ̀lɛ̀hwɛ̀ e hvàlandà ya ama Rzòlòmɔ̀nì. O eŋge hvònda e mòtò ema Petrò na Yòwanìrzɛ̀ hwà mà wɔ̀wìrzɛ̀ à mà hwɛ lì hwa òŋgama nanù mɛnɛ.

Hwègbèèlì 3:3

Nà òma à mà ɛnɛ Pètrò nà Yòwanìrzɛ̀ hwà mà arze lì kpèeyà rzi a hwa ɔmbɔ jàhwèyà.

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

Hwègbèèlì 8:14

Nà òma I àpɔ̀rzìtòlò ema i ma hwɛ ò Jèrurzalɛ̀mù i ma hweye nanù ema hwatò hwa Rzàmàrìyà hwà mà emeyà Ŋmɛ̀ndì mò Gbamù mò ama Lohwɛ̀, rzi hwà hwa òmeya Pètrò nà Yòwanìrzɛ̀.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.