Lukàrzɛ̀ 22:57 - Mokpwe: Bakwery (New Testament)

⁵⁷ Pètrò à mà hvèyìŋgòwa, rzìi à òhwa nanù ema, “Ìi mòlanà, nà rza mò hwi à hwiyà.”

Lukàrzɛ̀ 22:57 Mawu Ofanana

Matiyò 10:33

Ndi tɔ̀ njɛnɛ ema a nò rzɔ̀rzi ò marzò ma hwatò hwa hwènàmà, imba hvɛ na mò rzɔ̀rzɔ̀ ò wòrzò wa ama Tatɛ̀ wà ami ema a hwèlì ò ŋmanyu yà lohwà.

Matiyò 26:70

Pètrò à mà rzɔ̀rzɔ̀ ò marzò mà wɔ̀ hwa arzɛ rzìi à òhwa nanù ema, “Nà rza hwi mamɛ inyɔ e òhwa hvɛ tɔ̀.”

Lukàrzɛ̀ 12:9

Tɔ̀ njɛnɛ hvɛ ema à nò rzɔ̀rzi ò màrzò ma hwatò, ìmba hvɛ nà mò rzɔ̀rzɔ̀ ò màrzò ma i aŋgèlì, ja ama Lohwɛ̀.

Lukàrzɛ̀ 22:56

Mògbèèlì mɔ̀kɔ wà ŋmanà ŋgɔ̀ndɔ̀, à mà ɛ̀nɛ Pètrò à lìyayi ò tòŋgòŋgò yà mòŋgò mùnya. À mà mò ɔ̀ŋgɔ kòò, rzìi a mò òhwàna nanù ema, “Ònò mòtò mɔ̀ hvɛ à mà hwɛ nà Yerzù.”

Lukàrzɛ̀ 22:58

Ò rza ayikòlɛ̀nɛ̀, rzìi òhvɛhvɛ mòtò à ɛnɛ Pètrò. À mò òhwàna nanù ema, “Ò wà hvɛ ò hwèlì ndi mɔ̀kɔ wà awu.” Pètrò rzìi à alàhwɛ̀ nanù ema, “Jàyɛ̀ ŋmàyi rzeketɛ ìmba.”

Yòwanìrzɛ̀ 18:25

Rzìmɔ̀nì Pètrò ama tɛ̀mɛ̀ nanù mɛnɛ ò lì atòwɛ mùnya, hwaŋga hwatò ema hwa mà hwɛ aŋga hwa mà mò ijòwa nanù ema, “O rza enje ndi mòòkòwèlì mɔ̀kɔ wà ama òŋgò mòtò e?” Pètrò à mà rzɔ̀rzɔ̀ rzìi à òhwa nanù ema, “Jàyɛ̀, nà rza enje.”

Yòwanìrzɛ̀ 18:27

Anu hvɛ, Pètrò à mà rzɔ̀rzɔ̀ hvɛ. Lìwòkìmɛnɛ è mòme wà wuhwà rzi à tòŋga.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

1 Yòwanìrzɛ̀ 1:9

Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.