Lukàrzɛ̀ 22:52 - Mokpwe: Bakwery (New Testament)

⁵² Yerzù rzii à ijòwa iŋgi Ipìlìrzì ndɛnɛ̀ nà hwatimbèlì hwa merzenja hwa è Ndawò yà Lohwà, nà hwatimbèlì hwa mbòwà ema hwa mà jà lì mò ŋgbàŋgɛ̀ nanù ema, “Nà hwèlì ndi ŋmìhwɛ̀, ema è nò jàneyà ìrzɔ̀lɔ̀ nà metɔ̀nì ò lì nò ŋgbàŋgɛ̀ e?

Lukàrzɛ̀ 22:52 Mawu Ofanana

Matiyò 26:47

Nà òma Yerzù à mà hwɛ lì òhwa, Jùdàrzì Ìrzìkalìyɔ̀tɛ̀ mɔ̀kɔ wa eni hwa Lìyòmɛ̀ là Hwà-òkòwèlì nà hwahwàkɛ, à mà jà nà è ŋgindi ndɛnɛ yà hwatò ema hwa mà òhva ì rzɔ̀lɔ̀, nà hweeye hwa mà òmahwa ndi nà Ipìlìrzì ndɛnɛ nà hwàmbaki hwa mbòwà.

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Lukàrzɛ̀ 22:37

Nà è òhweyà nanù ema, è kaàtì yà Lohwà è òhwa nanù ema, ‘À mà wòwahwa ndi nàa ŋmìhwɛ̀.’ Nànù ndi e hwɛnì lì nò gbèyɛnɛ. Ndèŋgàna e hwɛnì lì òndìrzɛ̀hwɛ̀.”

Lukàrzɛ̀ 22:4

Jùdàrzì rzii a ɛ̀ndɛ lì ùŋmanɛlɛ Ipìlìrzì ndɛ̀nɛ, nà hwàkànèlì hwa è Ndawò yà Lohwà rzi a hwa òhweyà, nɛ mɔ̀ à tànɛyì lì hwa àhwìrzɛ̀lɛ̀lɛ̀ Yerzù.

Lukàrzɛ̀ 22:51

Yerzù à mà hwa òhweyà nanù ema, “È hwɛ̀mɛ̀ nanù!” Rzìi à tɔ̀tɔ̀ lìŋgi lìtò là ama òŋgò mòtò, à mò wɔ̀wìrzɛ̀.

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.