Lukàrzɛ̀ 22:34 - Mokpwe: Bakwery (New Testament)

³⁴ Yerzù rzìi à mò òhweyà nanù ema, “Pètrò nà ò òhweyà ema è mòme wà wuhwà à è tòŋgà wònò wùù, ò nò rzɔ̀rzɔ̀ ŋgèlì iyàwò.”

Lukàrzɛ̀ 22:34 Mawu Ofanana

Matiyò 26:34

Yerzù rzìi à òhweyà Pètrò nànù ema, “Ìi Pètrò, nà è jɔ̀kɛ̀ wònò wùu mɛnɛ ndèŋgànà è mòmɛ̀ wà wuhwà à è tòŋga ò nò rzɔ̀rzɔ̀ ŋgelì iyàwò.”

Matiyò 26:74

Pètrò rzìi ààtɛ̀ nanù ema, “Nà rza hwi ònò mòtò. Inyɛ̀ Lohwɛ̀ à nò kɔ̀kìrzɛ̀ è hwèlì tɛ ema nà kɔ̀ɔ̀ ndi hweyà!” Liwòkimɛnɛ è mòme wà wuhwà rzìi à tòŋga.

Makòrzì 14:30

Yerzù rzìi à mò òhweyà nanù ema, “Nà ò òhweyà è jɔ̀kɛ̀, nanù ema ò wònò wùù mɛnɛ ndèŋgana è mòmɛ̀ wà wuhwà à è, tòŋga ŋgèlì ihwàkɛ ò nò rzɔ̀rzɔ̀ ŋgèlì Iyàwò.”

Lukàrzɛ̀ 22:33

Pètrò à mà mò alàhwɛ̀ nanù ema, “Rzàŋgò nà wòŋgìrzɛ̀nɛ̀ ò lì òŋgama, tɔ̀ hwa ò ɛ̀ndɛnɛ ndi ò hwèwòwà, tɔ̀ hwa àrza ndi lì ò òŋwa.”

Lukàrzɛ̀ 22:35

Yerzù à ma ijòwa hwà-òkòwèlì hwa eni nanù ema, “Nà òmà na mà è òme, ema è rzì lɛ̀mbɛ tɔ̀ ekpà ya wòlì, tɔ̀ lìkpà, tɔ̀ hwetambi, è mà tàkeya yòmà e?” Hwa mà mò alàhwɛ̀ nanù ema, “Tɔ̀ yòmà.”

Lukàrzɛ̀ 22:61

Ò lìŋgi lìrzàkò mɛnɛ Rzàŋgò rzìi à ayeŋgòwɛ̀ɛ, à ɔ̀ŋgɔ Pètrò. Pètrò rzìi à ɔ̀ŋgɛlɛ mamɛ Rzàŋgò à mà mò òhweyà nanù ema, “Ndèŋgàna è mòmɛ̀ wà wùhwà à è tòŋgà yàwònò ò nò rzɔ̀rzɔ̀ ŋgèlì iyàwò.”

Yòwanìrzɛ̀ 13:38

Yerzù rzìi à mò tìmbìrzɛ̀lɛ̀lɛ̀ nanù ema, “Ò wòŋgìrzɛ̀nɛ̀yi ò lì nò ŋwèeyà e? Nà òhweyà ndi è jɔ̀kɛ̀ ema ndèŋgàna è mòme wà wùhwa à è tòŋga, ò nò rzɔ̀rzɔ̀ ŋgelì iyàwò.”

Yòwanìrzɛ̀ 18:27

Anu hvɛ, Pètrò à mà rzɔ̀rzɔ̀ hvɛ. Lìwòkìmɛnɛ è mòme wà wuhwà rzi à tòŋga.