Lukàrzɛ̀ 22:32 - Mokpwe: Bakwery (New Testament)

³² Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Lukàrzɛ̀ 22:32 Mawu Ofanana

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Matiyò 26:75

Pètrò rzìi à ɔ̀ŋgɛ̀lɛ̀ jòòhwì ema Yerzù à mà mò òhweyà nanù ema, “Ndèŋgànà è mòme wà wuhwà à è tòŋga, ò nò rzɔ̀rzɔ̀ ŋgelì iyàwò nanù ema ò rza nò hwi.” À mà wurza ò èwòka rzìi à eyà ije-ije.

Makòrzì 14:72

Lìwòkìmɛnɛ è mòmɛ̀ wà wuhwa à tòŋga è ŋgèlì ema è mà ùkirzɛ̀ ihwàkɛ. Rzìi Pètrò à ɔ̀ŋgɛ̀lɛ̀ è mbɔrzi Yerzù à mà mò òhweyà nanù ema, “Ndèŋgana è mòme wà wuhwa à è tòŋga ŋgèlì ihwàkɛ, o ò nò rzɔ̀rzɔ̀ ŋgèlì iyàwò.” Rzìi Pètrò à wùmɛ̀nɛ̀ lùwa à wòteya lì eyaa.

Makòrzì 16:7

Ndi e ɛ̀ndɛ̀, e òhweyà hwà-òkòwèlì hwa eni na Pètrò nanù ema, Yerzù à mà hvùmùwà, ‘À hwèlì à ɛ̀ndɛ ò wòrzò wò anyu ò lì kpèeyà ò mbòwà ya Galìlì, aŋga ndi e mò ɛnɛ̀, nà òmà mɔ̀ à mà è òhweyà.’”

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.