Lukàrzɛ̀ 22:31 - Mokpwe: Bakwery (New Testament)

³¹ “Rzìmɔ̀nì e, ìi Rzìmɔ̀nì e, òkànèyà tɛ! Mòkarzɛ̀ à lu wònjà ò lì e kèkirzɛ nà ò lì e kakòwa. À ikà e hwa gbamù nà è hwa wòhwe. Nà òmà mòtò a rzɛ̀ŋgbɛ ì mbàrzi ò lì ulɛ hweyarza.

Lukàrzɛ̀ 22:31 Mawu Ofanana

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Lukàrzɛ̀ 10:41

Yerzù rzìi a mò alàhwɛ̀ nanù ema, “Ìì Màta, ìi Màta, mamɛ ò akayìrzɛ̀lɛ̀lɛ nà lì atàkìrzɛ̀ lì teŋgɛ̀nɛ̀ hweyà rzayì-rzayì e?

Hwègbèèlì 9:4

À mà kpa ò rze, rzìi à hweyà lìlò ema lì mò òhweyà nanù ema, “Rzàwòlò, ìi Rzàwòlò! Mamɛ ndèŋgàtɛ ò nò tàkìrzɛ̀ e?”

1 Kɔ̀rintìyà 5:5

È ŋgbe rzɔ òŋgo mòtò o ma Mòkarzɛ̀, oma èŋge nyo ya eni ya wòhwe e ma hvàŋgahwà o lì mo rzuŋga èlìŋgɛ̀ ya eni o wùnyà ema Rzàŋgo Yerzù a jà.

2 Kɔ̀rintìyà 2:11

I hwɛni ndi lì gbeyà nanù, aŋga nanù Mòkarzɛ̀ a rza jo lukɛlɛ. Èhwanja e mo hwiyelì meyànò me eni.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 12:10

Àŋga ndi na a hweyà lìlo lì kàrzàmi o ŋmanyu yà lohwà lì ohwa nanù ema, “O naŋgɛ, lìrzùŋgàhwa la ama Lohwɛ̀ lì ma jà. Lohwɛ̀ à mà ùŋmɛlɛ màyìmbì ma eni o lì kànèyà nàa kìŋgɛ. È Krirztò ya eni e ma àwùŋmɛlɛ màyìmbì ma eni nàŋgɛ. Èhwànja e mɔ̀ ema à mà hwɛ lì ohwa o worzo wo ama Lohwɛ̀ ŋmerze na wuu, nanù ema wònyànyàŋgo hwa arzu hwa gbeyà wòhwe, hwà mà mo hvimba o e rze ya mɔ̀nyɛ̀. A ma hwɛ lì hwa hwɛ̀lɛ ŋmerze na wuu o ŋgundu o worzo wo ama Lohwɛ̀.