Lukàrzɛ̀ 22:30 - Mokpwe: Bakwery (New Testament)

³⁰ Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Lukàrzɛ̀ 22:30 Mawu Ofanana

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Matiyò 8:11

Nà è òhweyà ndi nanù ema, è hvònda ema o ò hwɛ ndèma ò lìkànèyà là ama Lohwɛ̀, rzayì-rzayì ja hwatò ema hwa rza kànɛ̀yi ò lì hwɛ aŋga hwa ò uhwɛ̀lɛ̀lɛ ɔ̀nɛyi nà wàteŋyi, ema hwa ò wòwɛ hwèki hwe awu hwe hwèlìyelì ò eŋge ndèma yà lìkànèyà là ŋmanyu yà lohwà nà imbamba ja arzu Abràhamù, Irzàkì, nà Jèkɔ̀bù.

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 14:15

Mòtò mɔ̀kɔ ema à mà lìya ò hwèleèlì nà Yerzù, a mà hweye ène mbɔrzi rzìi a òhweyà Yerzù nanù ema, “Mònàmɛ̀ mò ò hwɛ nà è wɔ̀ ema hwa ò lɛɛ mòlelì ò ndèma ò Lìkànèyà là ama Lohwɛ̀!”

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.