Lukàrzɛ̀ 22:26 - Mokpwe: Bakwery (New Testament)

²⁶ Ndi e rzà hwɛnì lì hwɛ nanù nà inyɔ. O ìtììtènì ja anyu, è mɔ̀ ema a tìmbà a hwɛ ndi nàa e mɔ̀ ema a utu. È mòtimbèlì hvɛ à hwɛnì ndi lì hwɛ nàa mògbèèlì.

Lukàrzɛ̀ 22:26 Mawu Ofanana

Matiyò 20:26

Ndi e rza hwɛni lì hwɛ nanù na inyɔ. Tɔ̀ ima mɔ̀ wa anyu ema a arza lì hwɛ e mòndɛnɛ wa anyu, a hwɛnì ndi lì hwɛ nàa e mòkutu wa anyu.

Makòrzì 10:43

Ndi è rzà hwɛnì lì hwɛ nanù nà inyɔ̀. Tɔ̀ ima mɔ̀ wà anyu ema a arza lì hwɛ è mòndɛnɛ wa anyu, a hwɛnì ndi lì hwɛ è mògbèèlì wà anyu.

Makòrzì 9:35

Yerzù rzìi a lìya ò rzè rzìi a hwɛlɛ lìyòmɛ̀ la eni la hwà-òkòwèlì na hwa hwàkɛ rzìi a hwa òhweyà nanù ema, “Tɔ̀ njɛnɛ ema à àrza lì hwɛ è mòndɛnɛ mɔ̀ ndi à àŋgàmɛ̀nɛ̀yi lì hwɛ è wà lìrzukù, rzìi a hwɛ hvɛ è mògbèèlì wà hwa arzɛ.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

1 Pètrò 5:3

È rzi gbeyàna ŋginyà o lì kànèyà hwaŋga hwatò ema hwa hwèlì o rze ya anyu, ndi e hwɛ embànelì o hwatò ema hwa hwèlì o rze ya anyu.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”