Lukàrzɛ̀ 22:22 - Mokpwe: Bakwery (New Testament)

²² È Ŋmanà wà è Mòtò wà Hwènàmà à hwɛnì lì ŋwa nà òmà è mà tìlahwe, ndi èwòma nà òŋgò mòtò ema à mò àhwìrzɛ̀.”

Lukàrzɛ̀ 22:22 Mawu Ofanana

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Matiyò 27:5

Nà òma Jùdàrzì à mà hweye nanù rzìi a hwa rzɔnjɛ̀lɛ̀lɛ wòŋgò wòlì aŋga ò rze ya e Ndawò yà Lohwà rzìi à ɛ̀ndɛ, a àhvanɛ.

Makòrzì 14:21

È Ŋmanà wà è Mòtò wà Hwènàmà à ŋwa nà òmà è tìlahwì lì mò hvòmɛ̀nɛ̀. Ndi èwòma nà òŋgò mòtò ema à ò àhwirzɛ̀ è Ŋmanà wà è Mòtò wà Hwènàmà. È mà hwɛ gbamù nanù ema, òŋgò mòtò à rzìi ŋyahwe.”

Lukàrzɛ̀ 22:23

Aŋgà ndi hwà-òkòwèlì hwa mà wòteyà lì àyijòwànɛ̀ mɔ̀kɔ nà ɔ̀nɛ̀yi, njɛnɛ wà awu à tànɛyi lì gbeyà ène nyàyi yà eyà.

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.