Lukàrzɛ̀ 22:16 - Mokpwe: Bakwery (New Testament)

¹⁶ Nà è jɔ̀kɛ̀ nà è òhweyà naŋgɛ ema nà rza mò làa hvɛ, natɛ̀ɛ na e hvònda ema hwe òndìrzɛ̀hwɛ̀ ò Lìkànèyà là ama Lohwɛ̀.”

Lukàrzɛ̀ 22:16 Mawu Ofanana

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 14:15

Mòtò mɔ̀kɔ ema à mà lìya ò hwèleèlì nà Yerzù, a mà hweye ène mbɔrzi rzìi a òhweyà Yerzù nanù ema, “Mònàmɛ̀ mò ò hwɛ nà è wɔ̀ ema hwa ò lɛɛ mòlelì ò ndèma ò Lìkànèyà là ama Lohwɛ̀!”

Lukàrzɛ̀ 22:15

Yerzù rzìi a hwa òhweyà nanù ema, “Nà mà òhva nyìrzɛ̀ rzayì-rzayì, ò lì làa mònò mòlèlì mò lì Akà Ɔnɛ̀yi nà inyɔ ndèŋgàna nà e taka.

Lukàrzɛ̀ 22:18

Nà è òhweyà ema lì wòteya nàŋgɛ̀, nà rza nyɔ hwenè hwènyɔ̀ɔ̀nì hvɛ natɛ̀ɛ Lìkànèyà là ama Lohwɛ̀ lì jà.”

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Hwègbèèlì 10:41

Rzeketɛ hwatò hwa arzɛ ndi hwà mà mò ɛnɛ. Hwàtò ema Lohwɛ̀ à mà lòme lì hvɔ̀rzɔ̀ wɔ̀ ndi hwà mà mò ɛnɛ. Èŋge ŋgàna e hwèlì ndi nanù ema, irzɔ ema i ma làlɛnɛ̀ na lì nyɔlɛnɛ na mɔ̀ ò mburza hwèhvùmùwèlì hwe eni hwe kpelì.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”