Lukàrzɛ̀ 22:12 - Mokpwe: Bakwery (New Testament)

¹² À è uŋmɛ̀lɛ̀ tùu ndɛnɛ̀ ema è ma màa lì rzeyàhwɛlɛ. Èŋge tùu è hwèlì ndi ò ŋmanyu yà è ndawò yà ndɛkì. È rzɛ̀ŋgɛ̀nɛ̀ hwèlèèlì hwe arzu aŋgà.”

Lukàrzɛ̀ 22:12 Mawu Ofanana

Lukàrzɛ̀ 22:11

È òhweyà è mòhwɛnɛ wà ndawò nanù ema, ‘È mòòkòlèlì hwà àrzu à ma jò ijòwe, òne è tùu ya hwàyɛ̀ni è hwèlì, ema à leeyà hwèlèèlì hwe lì Akà Ɔnɛ̀yi nà hwà-òkòwèlì hwa eni e?’

Lukàrzɛ̀ 22:13

Pètrò nà Yòwanìrzɛ̀ hwa mà ɛ̀ndɛ rzì hwa ùŋmanɛlɛ hweyà hwe àrzɛ nà òmà Yerzù a mà hwa òhweyà, rzìi hwa rzɛ̀ŋgɛnɛ hwèŋge hwèlèèlì hwe è ndèma yà lì Akà Ɔnɛ̀yi aŋga.

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 20:8

Hwà mà hvàalɛ̀ rzayi-rzayi ja hwètùlù ò tu ya e ŋmanyu ya e ndawò ya ndɛki ema irzɔ i ma arzaŋganɛ.