Lukàrzɛ̀ 22:11 - Mokpwe: Bakwery (New Testament)

¹¹ È òhweyà è mòhwɛnɛ wà ndawò nanù ema, ‘È mòòkòlèlì hwà àrzu à ma jò ijòwe, òne è tùu ya hwàyɛ̀ni è hwèlì, ema à leeyà hwèlèèlì hwe lì Akà Ɔnɛ̀yi nà hwà-òkòwèlì hwa eni e?’

Lukàrzɛ̀ 22:11 Mawu Ofanana

Matiyò 21:3

È hwèlì tɛ ema mòtò à è ijò tɛ tɔ̀ eyà, e mò òhweyà ema, Rzàŋgò à ji tukanelì. Oŋgò mòtò a ji òma lìwòkimɛnɛ.”

Makòrzì 14:14

È uki tɛ e òhweyà e mò hwɛnɛ wa ndawò ema mɔ̀ à kpèeyà nanù ema, “È Mòòkòlèlì àma òne ilùkù ja hwàyɛ̀nì aŋga ndi mɔ̀ à leeyà mòlelì mò e ndèma ya lì Akà Ɔnɛ̀yi na hwà-òkòwèlì hwa eni.

Lukàrzɛ̀ 19:31

Mòtò à è ijòwi tɛ nanù ema, ‘Mamɛ ndeŋgàtɛ è rzòlòwà iŋgi jàkàrzì e?’ È mò òhweyà nanù ema, ‘È Rzàŋgò è ji tukanelì.’”

Lukàrzɛ̀ 19:34

Hwa mà hwa alàhwɛ̀ nanù ema, “È Rzàŋgò è ji tukanelì.”

Lukàrzɛ̀ 19:5

Yerzù a mà ùke ò èŋge èki, rzìi a ɔ̀ŋgɔ ò ŋmanyu yà wòŋgò gbèe, rzìi a ɛnɛ Rzàkiyɔ̀rzì. Rzìi à mò òhweyà nanù ema, “Rzàkiyɔ̀rzì, rzìhwa kàrzì-kàrzì èhwanja nà hwɛnì lì hwɛ ŋmɛ̀ni ò ndawò yà aŋgɔ̀ yàwònò.”

Lukàrzɛ̀ 22:10

Rzìi à hwa alàhwɛ̀ nanù ema, “È ɔŋgɔ̀ tɛ! Nà òmà e kpèeyà ò èŋge mbòwà, mòtò à è taneyà ema a hwànɛ ìtɛ̀ŋgɛ̀ ja malìhwa. È mò òŋgàme tɔ̀ ima ndawò ema a kpèeyà.

Lukàrzɛ̀ 22:12

À è uŋmɛ̀lɛ̀ tùu ndɛnɛ̀ ema è ma màa lì rzeyàhwɛlɛ. Èŋge tùu è hwèlì ndi ò ŋmanyu yà è ndawò yà ndɛkì. È rzɛ̀ŋgɛ̀nɛ̀ hwèlèèlì hwe arzu aŋgà.”

Yòwanìrzɛ̀ 11:28

O mburza ema Mata à mà òhwɛ nanù, rzìi a timbeya Màlìyɛ̀ rzìi a mò hwɛlɛ ò tòŋgòŋgò rzi a mò òhweyà nanù ema, “È Mòòkòlèlì a hwèlì anù, a ò ijò.”

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.