Lukàrzɛ̀ 21:8 - Mokpwe: Bakwery (New Testament)

⁸ Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Lukàrzɛ̀ 21:8 Mawu Ofanana

Matiyò 24:11

Rzayì-rzayì ja hwà-òhwèlì hwa hwèlìŋgɛ̀ hwa mòlàŋgà hwa ò wurza na lì lukɛlɛ rzayì-rzayì ja hwatò ò lì hwa nɔ̀ŋgɔ̀.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Lukàrzɛ̀ 17:23

Hwatò hwa èŋge hvònda hwa è òhweyà nanù ema, ‘Mɔ̀ ònò’ tɔ̀ɔ ‘Mɔ̀ ɔ̀nɛ̀yi.’ Ndi è rzi hwa òŋgama.

Lukàrzɛ̀ 21:7

Hwa mà mò ijòwa nanù ema, “Ìi Mòòkòlèlì, ima hvònda hwenè hweyà hwe àrzɛ hwe ò gbèyɛ̀nɛ e? Mamɛ e ò hwɛ̀ɛ hwèmbànèlì hwe uŋmɛ̀lɛ̀ ema è hvònda e ma uka, ema hwenè hweyà hwe ò gbèyɛ̀nɛ e?”

Lukàrzɛ̀ 21:9

È wòtelì tɛ lì hweyà ì njùma nà mèhvùŋgu, è rzì òka wɔ̀ŋgɔ̀, hwenè hweyà hwe hwɛnì lì lòma lì gbèyɛ̀nɛ, ndi hwe rza uŋmɛ̀lɛ̀ ema lìrzukù la rze lì ma uka.”

Yòwanìrzɛ̀ 5:43

Nà jelì ò lìna la ama Tatɛ̀ wa ami ndi e rza nò emelì. Ndi ò hvɛhvɛ mòtò a jelì tɛ ò lìna la eni, e mò emeyà.

Yòwanìrzɛ̀ 8:24

Nà ma e òhweyà ema e hwɛnì lì ŋwèeyà ò wòhwe wò anyu, e hwèlì tɛ ema e rza lòkɛ̀ tɛ ema imba na hwèlì ndi e mɔ̀ ema na òhwi nanù ema na hwèlì. Ò jɔ̀kɛ̀ inyɔ e ò ŋwaànà wòhwe wò anyu.”

Yòwanìrzɛ̀ 8:28

O èŋgànɛ̀lɛ̀ Yerzù rzìi a hwa òhwàna nanù ema, “È hvònda ema e ò kàrzɛ è Ŋmanà wà è Mòtò wà Hwènàmà ò ŋmanyu, lìŋgi lìrzakò òma e ma hwiya ema imba na hwèlì ndi e mɔ̀ ema na òhwa e ma na hwèlì. Ndèŋgànɛ̀lɛ̀ hvɛ ema, ò imba mbiti na rza gbeyà tɔ̀ eyà, ndi na òma Tatɛ̀ à mà nò òkòlɛ̀ na òhwa hwene hweyà.

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 1:3

Mònàmɛ̀ na tɔ̀ njɛnɛ ema a làŋgi ene kààti, aŋga nanù hwahvɛhvɛ hwatò hwa o hweyà mono ŋmɛ̀ndì o lì hvomɛ̀nɛ̀ hweyà ema hwe o gbèyɛ̀nɛ. Ndeŋgànɛ̀lɛ̀ mònàmɛ̀ mo hwɛ na tɔ̀ njɛnɛ ema a hweye mono ŋmɛ̀ndì rzìi a ika hvɛ hweyà ema hwe tìlahwì o tenì ya ene kààti. È hvonda e ma kombɛ̀nɛ̀ ema hwene hweyà hwe arzɛ hwe o gbèyɛ̀nɛ.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.