Lukàrzɛ̀ 21:4 - Mokpwe: Bakwery (New Testament)

⁴ Wòlì ema hwanù hwatò hwa ikaa, wò hwèlì ndi wòlì ema wò hveti. Ndi mònò mòkurze mò mòlanà, ò mòlìrzà mò eni mò àrzɛ, à ŋgbelì mamɛ ya eni ya àrzɛ ema a òhvì ema à mà hwɛnɛ lì gbeyàna ò lì àwòŋgòwànɛ̀ mɔ̀ ŋmìti.”

Lukàrzɛ̀ 21:4 Mawu Ofanana

Makòrzì 12:44

Wɔ̀ hwa mà ika ndi ò hwèhvetɛ̀lɛ hwe awu hwe rzayì-rzayì, ndi mɔ̀ à ŋgbelì ndi ò lìtake la eni mamɛ ya arzɛ a òhvi ò lòŋgɛ.”

Lukàrzɛ̀ 15:12

Wùnya wɔ̀kɔ, ɛnɔ̀ŋgɔ̀nì rzìi e òhweyà rzàŋgɛ nanù ema, ‘Tatɛ̀ ò nò ŋgbè è la amì lòŋgò la erzàŋgò ema lì nò kànɛnɛyi.’ Rzàŋgɛ rzìi a hwa kahweyà erzàŋgò ya eni.

Lukàrzɛ̀ 21:3

À mà hwa òhweyà nanù ema, “Nà è jɔ̀kɛ̀, ò nò mòlìrza mòlanà wa mòkurze, à ŋgbelì lì akà hwanɛ̀yi hwa àrzɛ.

Lukàrzɛ̀ 8:43

Mòlanà mɔ̀kɔ à ma hwɛ aŋga, ema à ma hwɛ lì wurzà màyija ò nyò yà èni yà mòlanà lìyòmɛ̀ la meya nà mehwàkɛ. Ònò mòlanà tɔ̀ mòtò tɔ̀ mɔ̀kɔ à rzi tanɛ̀ lì mò wɔ̀wìrzɛ̀.

Hwègbèèlì 4:34

Tɔ̀ mɔ̀kɔ wà awu à rzi tàkeyà tɔ̀ yòma ò ìtììtènì jà awu. Ò hvònda nà hvònda tɛ, hwaŋga ema hwa mà òhva hwètò tɔ̀ màwòŋgì hwà ma mà àhwirzɛ̀, rzìi hwa jànà wòŋgò wòlì ema hwa mà àhwirzɛ̀ eŋge erzaŋgò,

2 Kɔ̀rintìyà 8:12

È hwɛnì tɛ nyɔ̀ŋgi ya lì ŋgbà mòtò yoma na oma e ohvi, e emànɛ̀lɛ̀hwɛ̀yì na Lohwɛ̀. Lohwɛ̀ a rza arza nanù ema mòtò a ŋgbe lì aka mamɛ ema a ohvi.