Lukàrzɛ̀ 21:37 - Mokpwe: Bakwery (New Testament)

³⁷ O hwèŋge hwèyu, Yerzù à ma hwɛ lì òkòlɛ̀ ò Ndawò yà Lohwà. Ŋgòmbe tɛ à mà àgba ò lì yɛlɛ̀lɛ̀ ò mòòlì mò Njàhwɛ̀.

Lukàrzɛ̀ 21:37 Mawu Ofanana

Matiyò 21:1

Nà òma Yerzù na hwà-òkòwèlì hwa eni hwà mà kòmbɛ̀nɛ̀ e mbòwà ndɛnɛ ya Jèrurzalɛ̀mù, hwà mà uka e mbòwà ya Bɛ̀thvegi ò e hvàko ya Njàhwɛ̀. Yerzù rzi a òma Hwà-òkòwèlì hwa eni hwahwàkɛ ò lì ɛndɛ ò wòrzò,

Matiyò 21:17

Yerzù à mà hwa lìya ò Jèrurzalɛ̀mù rzi a ɛ̀ndɛ ò lì naŋga ò mbòwà ya Bɛ̀tanì.

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Makòrzì 11:12

Nà òmà hwà mà uhwɛlɛlɛ ò Bɛ̀tanì wònɛyi wùnyà, Yerzù a mà lɛmbeya e njàwò.

Makòrzì 11:19

È hvònda è ŋgòmbè yà lohwà e mà ùke rzìi hwà ànjiya ò èŋge mbòwà ndɛɛndɛ̀.

Makòrzì 14:49

Nà mà hwɛ nà inyɔ̀ wùnyà tɛ ò Ndawò yà Lohwà na òkòlɛ̀ hwatò ndi e rzìi nò ŋgbaŋgɛ̀, ndi Eyà ya Lohwà e hwɛnì lì òndìrzɛhwɛ̀.”

Lukàrzɛ̀ 19:29

È hvònda ema à mà kòmbɛ̀nɛ̀ è mbòwà yà Bɛ̀thvegi nà Bɛ̀tanì, ema ì hwèlì ò Mòòlì mò Njàhwɛ̀, à mà òma hwà-òkòwèlì wà eni hwàhwàkɛ̀ ò wòrzò, rzìi à hwa òhweyà nanù ema,

Lukàrzɛ̀ 19:37

È hvònda ema Yerzù à mà hwɛ lì rzìhwa ò Mòòlì mò Njàhwɛ̀ ò lì kpèeyà ò mbòwà yà Jèrurzalɛ̀mù, è ŋgìndì yà hwà-òkòwèlì hwa eni è mà wòteyà lì embà nà mɔ̀nyɛ̀ŋgì, nà màlò mà kàrzàmi ò lì ekà Lohwɛ̀, lì hvòmɛ̀nɛ̀ hweyà hwe àrzɛ hwe mànyàka ema hwa mà ɛ̀nɛ,

Lukàrzɛ̀ 19:47

Wùnyà tɛ, Yerzù à mà hwɛ lì òkòlɛ̀ ò Ndawò yà Lohwà. Ipìlìrzì ndɛnɛ̀ nà hwà-òkòlèlì hwa mbenda, nà hwàtìmbèlì hwa hwatò, hwa mà hwɛ ndi lì àrza ŋmànò ò lì mò òŋwà.

Lukàrzɛ̀ 22:39

Yerzù a mà ànjiye ò èŋge tùu nà hwà-òkòwèlì hwa eni, rzìi hwa ànjiya èŋge mbòwà, hwa àgba ò mòòlì mò Njàhwɛ̀, nàa ɛ̀ɛ̀mɛ̀ ya eni.

Yòwanìrzɛ̀ 12:1

Hweyu hwàmbi ndèŋgàna è Ndèma yà lì Akà Ɔ̀nɛ̀yi e uka, Yerzù à mà ɛ̀ndɛ ò Bɛ̀tanì, èki ema Làrzàrɔ̀rzì à mà lìya, e mòtò ema à mà hvùmùlɛ̀ ò kpelì.

Yòwanìrzɛ̀ 18:2

Jùdàrzì ema à mà àhwirzɛ̀ Yerzù, mɔ̀ hvɛ à mà hwiya èŋge èki èhwanja Yerzù na Hwà-òkòwèlì hwa eni hwà mà hwɛ lì arzaŋganɛ aŋga.

Hwègbèèlì 1:12

I àpɔ̀rzìtòlò rzi jà anjiya ò mòòlì mò Njàhwɛ̀, lì tìmba ò mbòwà yà Jèrurzalɛ̀mù, yɔ̀ndɔ̀ yà èhvàrzù yà màyilì.