Lukàrzɛ̀ 21:28 - Mokpwe: Bakwery (New Testament)

²⁸ È hvònda ema hwenè hweyà hwe àrzɛ hwe wòteyà lì gbèyɛnɛ, e ò tɛ̀mɛ̀ ndi ò lì ɔŋgɔ̀ ò ŋmanyu. Èhwanja e hvònda ya lì kɔ̀tɔ̀wɔ̀ la anyu lì ma kòmbɛ̀nɛ̀.”

Lukàrzɛ̀ 21:28 Mawu Ofanana

Lukàrzɛ̀ 13:11

O mà hwɛ mòlanà mɔ̀kɔ aŋga à ma hwɛnɛ èlìŋgɛ̀ ya wòhwe, è ma mò hwɛ ò nyò lìyòmɛ̀ la meya nà wàmbì, e mà gbeyà è mburzà yà èni è mà nùnàmà nyayi ema a rzi tanɛ lì tɛ̀nɛ̀nɛ̀.

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

Lukàrzɛ̀ 21:29

Yerzù rzìi a hwa kpɛ̀ɛyà mònò ŋmàna nanù ema, “È injàneyà ekumbɛ̀ nà manɛyi màyi mà arzɛ.

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.