Lukàrzɛ̀ 21:24 - Mokpwe: Bakwery (New Testament)

²⁴ Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

Lukàrzɛ̀ 21:24 Mawu Ofanana

Lukàrzɛ̀ 21:25

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Hibrù 11:34

Hwà mà lìmìrzɛ̀ meyonda. Hwà mà anjiya hvɛ o màà mà hwaŋga ema hwà mà arza lì hwa oŋwa na irzɔ̀lɔ̀. Tɔ̀ nɛ o hwewotelì hwa rzi hwɛnɛ ŋginyà, Lohwɛ̀ à mà hwa ŋgba e ŋginyà. Hwà mà hwɛ ndi hwàanèlì hwa njuma hwa ŋginyà ema hwà mà anana hwahvɛhvɛ hwàanèlì hwa njuma hwa hwehvɛhvɛ hwèkòmè ema hwe ma hwàŋga.

Hwèwulùwèlì 11:2

Ndi ò rzi mɛ̀nɛ̀ eŋge ewòka. Ò rzi è mɛ̀nɛ̀ ehwànja è mà ŋgbààhwà hwaŋga hwatò ema hwa rza enje wònyà Yudà. O mènimènìì mè ŋgbɛndɛ nà ihwakɛ, wɔ̀ hwa ò làalà è Mbowà ndɛnɛ yà Wòtani.