Lukàrzɛ̀ 21:23 - Mokpwe: Bakwery (New Testament)

²³ È ò hwɛ wòhwe ò mèŋge mèenyà nà hwaŋga hwalanà ema hwa lìti meemì. Nà ì nyàŋgò ema ì nyɔ̀ŋgìrzɛ̀ ŋmɛ̀ɛŋgɛ me hwanà. O ò hwɛ hvɛ wòhwe nà mètàkà rzayì-rzayì ò rze lì hvòmɛ̀nɛ̀ hwanù hwatò.

Lukàrzɛ̀ 21:23 Mawu Ofanana

Matiyò 21:16

Hwanù hwàkànèlì rzi hwa ijòwa Yerzù nanù ema, “Rzeke ò hwèya mamɛ ema hwanù hwàna hwa òhwa e?” Yerzù rzi a hwa alàhwɛ̀ nanù ema, “Ɛ̀ɛ na hweyi. Inyɔ e rzi laŋgi na òma e tìlahwì ò kààtì ya Lohwà nanù ema, ‘A ma wòmba hwàna na ŋmɛ̀ɛŋgɛ ò lì mò ŋgba jeka ja gbamù e?’”

Matiyò 21:41

Hwà mà alàhwɛ̀ Yerzù nanù ema, “À ò òŋwa hwaŋga hwatò hwa wòhwe. Rzi a ika hwahvɛhvɛ hwatò ò lì ɔŋgeya eŋge hvaya, ema hwa ò mò ŋgbɛ e la eni lòŋgò la mbòtà ò lìrzakò la lì hvata la hwehvùma.”

Matiyò 24:19

È ò hwɛ wòhwe ò meŋge mèenyà nà hwalanà ema hwa lìti memi ma awu na e wɔ̀ ema hwa nyɔŋgirzɛ hwàna!

Makòrzì 13:17

È ò hwɛ wòhwe nà hwàalanà ema hwa lìti meemì nà hwaŋga ema hwa nyɔ̀ŋgìrzɛ̀ɛ èŋge hvònda.

Lukàrzɛ̀ 19:27

Ò nàŋgɛ nanù, hwaŋga hwa arzɛ ema hwa nò kɔ̀wu, ema hwa rza àrza ema nà hwɛ è kiŋgɛ̀ yà àwu, è hwa jànè anù. È hwa òŋwe ò wòrzò wò amì.’”

Lukàrzɛ̀ 19:43

Mènyà mè ò jà ema hwàkɔ̀yèlì hwa aŋgɔ̀ hwa ò tòŋgà nà lì ò kekà nàa ŋgàwò.

Lukàrzɛ̀ 23:29

Meenya me ò jà, ema hwatò hwa ò òhwa nanù ema, ‘Mònàmɛ̀ na hwaŋga hwalanà ema hwa hwèlì yòmbà, nà hwaŋga ema hwa rzi ŋya, nà hwaŋga hvɛ ema hwa rzi nyɔ̀ŋgìrzɛ̀yi tɔ̀ ŋmanà!’

1 Kɔ̀rintìyà 7:26

Li hvomɛ̀nɛ̀ monò motaka o naŋgɛ, o lɔ̀wu ema hwatò hwa lìya e rzi hwɛ lìhwa na lì hwaahwa.

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

Jèmìrzì 5:1

O eŋgànɛlɛ rzɔ, o naŋgɛ, inyɔ hwatò ema e nàmi e no òkànèyà tɛ! È eyèe na lì ahvàhvɛ̀ o nyòla mètàkà ema me e jèeyà.

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?