Lukàrzɛ̀ 21:19 - Mokpwe: Bakwery (New Testament)

¹⁹ È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 21:19 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 5:3

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

Ròmànì 5:4

Li àjùlɛ̀ lɔ ndi lì jò ŋgba ɛ̀ɛ̀mɛ̀ ema Lohwɛ̀ a arza. Nà òma Lohwɛ̀ a jò emeyà ò wòrzò wò eni eŋge e jò janelì lìhvìtà ema Lohwɛ̀ a jò gbèeyà mamɛ ema à mà kàkɛ̀nɛ̀ nanù ema a jò gbèeyà.

Ròmànì 8:25

Ndi jì ikayi tɛ màhvìtà mà arzu ò mamɛ ema i rza ɛnɛ̀, ja e ambɛ̀lɛ na lì àjùlɛ̀.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

2 Tɛ̀rzàlonìyà 3:5

Inyɛ̀ Rzàŋgo Yerzù Krirztò mɔ̀ ŋmìti à è gbeye o lì a embɛ nɛ Lohwɛ̀ à è lìŋgàni, ndeŋgànɛlɛ ema inyɔ hvɛ àjùlɛ̀ nà oma Yerzù mɔ̀ hvɛ ŋmìti à mà àjùlɛ̀.

Hibrù 10:36

È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

Jèmìrzì 1:3

Inyɔ e hwiye nanù ema mànu màkekirzɛnɛ ema e luwa o nyòla lì lòkɛ̀ la anyu ema e ohvi lɔ̀ ndi lì e ètìrzɛ̀ mèèmà.

Jèmìrzì 1:4

Inyɛ̀ mèèmà me anyu me e ete natɛ̀ɛ na o lìrzùkù, aŋga nanù ɛ̀ɛ̀mɛ̀ ya anyu e hwɛ gbamù ndèŋgànɛ̀lɛ̀ e onda, aŋga nanù e rza hwɛnɛ tɔ̀ ɛ̀ɛ̀mɛ̀ ya wòhwe o mòŋgɛ ma anyu.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 13:10

È hwèlì tɛ nanù ema mòtò à hwɛni lì ɛ̀ndɛ̀ ò hwèwòwà inyɛ à ɛ̀ndɛ̀ ò hwèwòwà, è hwèlì tɛ nanù ema mòtò à ò oŋwàhwà ndi nà è rzɔ̀lɔ̀ à ò oŋwàhwà ndi nà è rzɔ̀lɔ̀. Ène eyà è hwèlì ndi nanù ema, hwatò hwa ama Lohwɛ̀ hwa àŋgàmɛ̀nɛ̀yi lì ajùlɛ nà lì alɛ̀mbɛ̀nɛ̀ eyà yà Lohwà.

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.