Lukàrzɛ̀ 21:16 - Mokpwe: Bakwery (New Testament)

¹⁶ Irzàŋgo, nà inyàŋgò ja anyu, wònyanyàŋgò hwa anyu, nà hwèyòrzà hwe anyu, hwa hwɛnì lì è nìna, nà lì è òŋwa lòŋgò la anyu.

Lukàrzɛ̀ 21:16 Mawu Ofanana

Matiyò 10:21

Hwatò hwa ò ŋgba wònyanyàŋgò hwa awu ò màà mà hwahvɛhvɛ hwatò ò lì hwa òŋwa. Irzàŋgo hvɛ ì gbeyànà hwàànà hwa awu nanù mɛnɛ, hwàànà hwa teŋgɛ̀nɛ̀ irzàŋgo nà inyàŋgò ja awù ò lì arza nanù ema hwà òŋwahwe.

Makòrzì 13:12

Hwatò hwa ò ŋgba wònyanyàŋgò hwa awu ò màà mà hwahvɛhvɛ hwatò ò lì hwa òŋwa. Irzàŋgo hvɛ ì gbeyànà hwàànà hwa awu nanù mɛnɛ, hwàànà hwa teŋgɛ̀nɛ̀ irzàŋgo nà inyàŋgò ja awù ò lì arza nanù ema hwà òŋwahwe.

Lukàrzɛ̀ 12:53

O ò hwɛ mòhvùŋgu. Rzàŋgò è teŋgɛ̀nɛ̀ ŋmanà wà èni wà mùnyanà, è ŋmanà wà mùnyanà à ò teŋgɛ̀nɛ̀ rzàŋgɛ. Nyàŋgò è teŋgɛ̀nɛ̀ ŋmanà wà èni wà mòlanà, è ŋmanà wà mòlanà à ò teŋgɛ̀nɛ̀ nyàŋgɛ. È nyàŋgò yà lìhwa e ò tèŋgɛ̀nɛ̀ ŋmanà wà èni wà lìhwa, è ŋmana wà èni wà lìhwa à ò teŋgɛ̀nɛ̀ è nyàŋgò yà eni yà lìhwa.”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Lukàrzɛ̀ 21:17

Inyɔ hwa àrzɛ e ò rzìŋgɛ̀hwɛ ò nyòla lìinà la amì.

Hwègbèèlì 12:2

A ma gbeyà ema hwà mà ŋgbaŋgɛ Jèmìrzì, Yòwanìrzɛ̀ ŋmanyàŋgò wa eni, rzìi hwà mà òŋwàna na e rzɔ̀lɔ̀.

Hwègbèèlì 7:59

Nà òma hwà mà hwɛ lì aŋgba Rzìtehvànɛ màŋyàyi mɔ̀ à mà hwɛ lì kanɛ̀ nanù ema, “Ìi Rzàŋgò Yerzù, wòwa èlìŋgɛ̀ ya ami.”

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.