Lukàrzɛ̀ 20:6 - Mokpwe: Bakwery (New Testament)

⁶ Jò òhwi tɛ nanù ema, ‘O hwatò hwa hwènàmà,’ ène ŋgìndì ya àrzɛ è jò àŋgbà mànyayi. Èhwanja hwa hwi nanù ema Yòwanìrzɛ̀ à mà hwɛ ndi mòòhwèlì wà èlìŋgɛ̀”

Lukàrzɛ̀ 20:6 Mawu Ofanana

Matiyò 11:9

È na òhweyà rzɔ mamɛ ema inyɔ e ma wurze ò lì ɛndɛ lì ɛnɛ e? Mòòhwèlì wà èlìŋgɛ̀ ndi e ma arze lì ɛnɛ e? Ò jɔ̀kɛ̀ inyɔ e ma ɛnɛ mòtò ema a akayi Mòòhwèlì wà èlìŋgɛ̀.

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 21:26

Ndi i òhwi tɛ nanù ema, ‘È wònja ya eni e uwɛ̀lɛ̀lɛ̀yi ndi ò hwatò hwa hwènàmà,’ nanù òma ene ŋgindi ya hwatò e jò gbeyàna wòhwe, èhwanja wɔ̀ hwa arzɛ hwa hwi ema Yòwanìrzɛ̀ à mà hwɛ ndi Mòòhwèlì wà èlìŋgɛ̀.”

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Matiyò 26:5

Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Makòrzì 12:12

Hwakànèlì hwa Irzàyɛ̀lì hwa mà àrza lì lɛ̀mbɛ Yerzù, èhwanja wɔ̀ hwà mà hwiya nanù ema wɔ̀ ndi Yerzù a kpɛɛlì mònò ŋmàna. Ndi wɔ̀ hwa mà òka e ŋgìndì wɔ̀ŋgɔ̀, rzìi hwa mò hwɛmɛ, hwa ɛ̀ndɛ e ya awu.

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 20:5

Hwàŋga hwatò rzìi hwa wòteya lì àwòhwànɛ̀lɛ̀ mɔ̀kɔ nà ɔ̀nɛ̀yi nanù ema, “Jò òhwì tɛ nanù ema, ‘O ma Lohwɛ̀,’ nanù òma mɔ̀ hvɛ à mà jò ijòwa nanù ema, ‘Mamɛ ndeŋgàtɛ è rzi lòkɛ̀ Yòwanìrzɛ̀ e?’

Lukàrzɛ̀ 20:7

Hwa mà mò alàhwɛ̀ rzɔ nanù ema, “Ì rza hwi èki ema è ŋginyà yà èni e ma uhweyà.”

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Yòwanìrzɛ̀ 10:41

Rzayi-rzayi ja hwatò hwà mà hwɛ lì mò jèeya. Hwàŋga hwatò hwà mà hwɛ lì òhwa nanù ema, “Yòwanìrzɛ̀ è Mòlùhwìrzèlì a rzi hwɛ lì gbeyà hweyà hwe mànyakà ndì tɔ̀ mamɛ ema à mà òhwe lì hvòmɛ̀nɛ̀ ònò mòtò hwe hwèlì ndì e jɔ̀kɛ̀.”

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.