Lukàrzɛ̀ 20:38 - Mokpwe: Bakwery (New Testament)

³⁸ Lohwɛ̀ à rza ènje Lohwà là è wɔ̀ hwa ŋwelì? À hwèlì ndi Lohwà là è wɔ̀ hwa hwèlì lòŋgɛ. Ène ŋgàna è uŋmɛ̀lɛ̀ ndi nanù ema, nàa Lohwɛ̀, hwa arzɛ hwa hwèlì lòŋgɛ.”

Lukàrzɛ̀ 20:38 Mawu Ofanana

Matiyò 22:32

Mɔ̀ à mà òhwa nanù ema, ‘Nà hwèlì ndi Lohwà là ama Abràhamù, Irzàkì, nà Jèkɔ̀bù.’ Lohwɛ̀ à rza enje Lohwà là hwatò ema hwa mà ŋwɛ̀ɛ̀, à hwèlì ndi Lòohwà là hwatò ema hwa hwèlì lòŋgɛ.”

Makòrzì 12:27

Èŋge ŋgàna è uŋmɛ̀lɛ̀ nanù ema hwa hwèlì lòŋgɛ. Lohwɛ̀ à hwèlì ndi Lohwà là hwatò ema hwa hwèlì lòŋgɛ rzeketɛ Lohwà la e wɔ̀ ema hwà mà ŋwɛɛ. Inyɔ e tòni rzayì-rzayì.”

Lukàrzɛ̀ 20:39

Lòŋgò là hwà-òkòlèlì hwa è mbenda, hwa mà tìmbirzɛlɛlɛ nanù ema, “Mòòkòlèlì, mamɛ ema òhwi e hvòmɛ̀nɛ̀.”

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Yòwanìrzɛ̀ 6:57

Tatɛ̀ ema a gbèyi ema hwatò hwa hwɛ lòŋgɛ mɔ̀ ndi hvɛ a na òmi, mɔ̀ ndi hvɛ a gbèyi ema na hwèlì lòŋgɛ. Nànù ndi e hwèlì na tɔ̀ njɛnɛ hvɛ ema a lelì e nyò ya ami na mò gbeyà a hwɛ lòŋgɛ.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hwèwulùwèlì 22:1

È aŋgèlì rzìi e no uŋmɛ̀lɛ̀ morzo mo malìhwa ema mo gbeyà mòtò a hwɛ lòŋgɛ natɛ̀ɛ na o gbìndèyà, ndèŋgànɛ̀lɛ̀ mo uŋmɛ̀lɛ̀ ndi ŋgɛyi-ŋgɛyi nàa lìyɛni. Maŋga malìhwà ma mà uwɛ̀lɛ̀lɛ̀yi ndi o e konda ya lìkànèyà la ama Lohwɛ̀ na e Ŋgumà ya Mɔ̀lɛ̀ŋgù,