Lukàrzɛ̀ 20:34 - Mokpwe: Bakwery (New Testament)

³⁴ Yerzù à mà hwa alàhwɛ̀ nanù ema, “Hwatò hwa ène nyɔ̀ŋgɔ̀nì hwa hwàà, ndèŋgànɛ̀lɛ̀ hwa aŋgbàànɛ hvɛ ò màhwa.

Lukàrzɛ̀ 20:34 Mawu Ofanana

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Lukàrzɛ̀ 17:27

O èŋge hvònda yà ama Nòwà, hwatò hwa mà hwɛ lì làa melelì nà lì nyɔ mìimbà, wùnyànà hwa mà hwɛ lì hwàa hwalanà. Hwalanà hvɛ hwa mà ŋgbàahwa ò mahwà, natɛ̀ɛ nà wùùnya Nòwà a mà kpèeyà ò wɔ̀lɔ̀ wò ndɛnɛ̀. È mbuwà e yɔ rzìi è tɔ̀ndɛ̀ e ɔ̀ndɔ̀ rzìi hwaŋga hwatò hwa arzɛ hwa kuwa lì indà.

Lukàrzɛ̀ 20:33

O Hwèhvùmùwèlì òŋgò mòlanà à ò hwɛ ndi è wà mà njɛnɛ e? Nà òma lìrzàmba la àrzɛ lì mà mò hwaà e?”

Ɛ̀hvìrzìyà 5:31

Nà omà è tìlàhwì o kààtì yà Lohwà nanù ema, “Ène ŋgàna ɔ̀ndeŋgàtɛ̀ ŋmanà wa munyanà a hwɛ̀mɛ̀ rzàŋgɛ na nyàŋgɛ rzìi a uŋma jòjìyɛ̀ wa eni rzìi hwahwàkɛ hwa alàtànɛ̀ o lì hwɛ mòtò mɔ̀kɔ.”

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.