Lukàrzɛ̀ 20:25 - Mokpwe: Bakwery (New Testament)

²⁵ Aŋgà ndi Yerzù à hwà òhweyà hvɛ nanù ema, “È ŋgbè Kàyìrzà mamɛ e hwèlì è ya eni. È ŋgbè hvɛ Lohwɛ̀ è yɔ ema e hwèlì e ya eni.”

Lukàrzɛ̀ 20:25 Mawu Ofanana

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 22:21

Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

Makòrzì 12:17

Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

Lukàrzɛ̀ 20:24

“È nò uŋmɛ̀lɛ̀ kahvà ya ɛ̀ɛkɛ̀. Wòrzò nà lìinà la ama njɛnɛ lì hwèlì aŋga e?” Hwa mà mò alàhwɛ̀ nanù ema, “Wòrzò na lìinà là ama Kàyìrzà è mòkànèlì.”

Hwègbèèlì 5:29

Pètrò nà inɛyi àpɔ̀rzìtòlò rzìi hwa alàhwɛ̀ nanù ema, “I hwɛni lì hweyàna Lohwɛ̀ rzeketɛ hwatò hwa hwènàmà.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!