Lukàrzɛ̀ 20:23 - Mokpwe: Bakwery (New Testament)

²³ Yerzù à mà ayèmbɛ meyànò me awu, rzìi a hwa òhweyà nanù ema,

Lukàrzɛ̀ 20:23 Mawu Ofanana

Matiyò 16:1

Lòŋgò la Hvàlìrzàyì na i Rzàdòrzi hwa mà jèeyà Yerzù. Hwà mà arza lì mò kpɛ njɔ̀mì, ò èŋgànɛ̀lɛ̀ hwà mà mò ijòwa ema a hwa uŋmɛ̀lɛ̀ èmbànèlì ema e uhwɛlɛlɛ ò ŋmanyu yà lohwà.

Matiyò 22:18

Ndi Yerzù à mà hwiye màlùtèyà ma awu ma wòhwe, rzi a hwa timbirzɛlɛlɛ nanù ema, “Inyɔ hwatò hwa mèhvìlì, mamɛ ndeŋgatɛ e arza ndi lì nò kɔ̀hweyà e?

Lukàrzɛ̀ 20:20

Hwà-òkòlèlì hwà mbenda nà Ìpìlìrzì ndɛnɛ̀ hwà mà hwɛ lì arza ŋmanò mò jɔ̀kɛ̀ ò lì ŋgbaŋgɛ Yerzù. Hwa mà hvɔ̀rzɔ̀ hwatò, hwa hwà tàŋgeyà, ema hwa mò nɔ̀ŋge ò mburzà. Hwàŋga hwatò hwà mà hwɛnɛ lì ahwàŋgɛ̀lɛ̀ nanù ema hwa mò nɔ̀ŋgɔ̀nɔ̀ ndi ŋmèma mɔ̀kɔ. Hwà mà gbeyà ndi nanù, aŋga nanù, òma hwà mà mò lɛ̀mbɛnɛ njɔ̀mì. Èŋge hvònda rzɔ òma hwà mà mò akɛlɛlɛ e Gɔhwina ya Ròmànì ema mɔ̀ ndi à kànèyà.

Lukàrzɛ̀ 20:22

Ò jò òhweyà tɛ, e hwèlì gbamù nanù ema irzɔ ì taŋgeya Kàyìrzà e mòkànèlì hwa Ròmànì è njàŋge yà lìkànèyà e?”

Lukàrzɛ̀ 20:24

“È nò uŋmɛ̀lɛ̀ kahvà ya ɛ̀ɛkɛ̀. Wòrzò nà lìinà la ama njɛnɛ lì hwèlì aŋga e?” Hwa mà mò alàhwɛ̀ nanù ema, “Wòrzò na lìinà là ama Kàyìrzà è mòkànèlì.”

Lukàrzɛ̀ 5:22

Yerzù à mà hwiya màlùtèyà ma awu. Àŋga ndi à hwa ijòwa nanù ema, “Mamɛ ndeŋgàtɛ è lùteyà hwenè hweyà ò mèèmà me anyu e?

Lukàrzɛ̀ 6:8

Yerzù à mà hwiya mamɛ hwa mà hwɛ lì lùteya ò mèèmà me awu. À mà òhweyà òŋgò mòtò ema à ma òhva mɔ̀ɔ̀ mò ma ŋwa njɛmbu nanù ema, “Jà ònò, ò tɛ̀mɛ̀ anù.” Òŋgò mòtò à mà mò hweyàna.

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

1 Kɔ̀rintìyà 10:9

I rzi kèka lìkèkirzɛ Rzàŋgo nà oma lòŋgò la awu hwà mà gbèye rzìi màahwà mà hwa rzòmbà rzìi hwa kùwa lì ŋwa.

1 Kɔ̀rintìyà 3:19

Èhwanja mamɛ ema hwatò hwa ene rze hwa ɛnɛ na lìhwiyè, e hwèlì ndi èèti, o worzò wa ama Lohwɛ̀. I hwi ema, e tìlahwì o kààtì ya Lohwà nanù ema, “Lohwɛ̀ a gbeyàna ŋgbaaŋgo wo hwatò hwa ŋgbaaŋgo ò lì lɛ̀mbɛ meyano me awu.”

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.