Lukàrzɛ̀ 20:16 - Mokpwe: Bakwery (New Testament)

¹⁶ Òŋgò mòtò à hwɛnì lì ɛ̀ndɛ̀ lì òŋwa hwaŋga hwàgbèèlì, rzìi a ŋgbà hwahvɛhvɛ hwagbèèlì èŋge wàŋgà.” È hvònda hwaŋga hwatò hwa mà hweye nanù, rzìi hwa òhwa nanù ema, “Ène tumba eyà ee rza tànɛyi lì gbèyɛnɛ.”

Lukàrzɛ̀ 20:16 Mawu Ofanana

Matiyò 21:34

Nà òma e hvònda ya lì hvata hwehvùma e ma ùke, òŋgò mòhwɛnɛ wa hvaya rzi a òma hwakutu hwa eni ò hwaŋga hwàgbèelì hwa eŋge hvaya ò lì ɛ̀ndɛ lì mò wòhweya e la eni lòŋgò la hwehvùma.

Matiyò 21:41

Hwà mà alàhwɛ̀ Yerzù nanù ema, “À ò òŋwa hwaŋga hwatò hwa wòhwe. Rzi a ika hwahvɛhvɛ hwatò ò lì ɔŋgeya eŋge hvaya, ema hwa ò mò ŋgbɛ e la eni lòŋgò la mbòtà ò lìrzakò la lì hvata la hwehvùma.”

Matiyò 22:7

Eŋge kiŋgɛ e ma òhva hwetàtò hwe ndɛnɛ. Rzi a òma hwàànèlì hwa eni hwa njùma, ema hwa ɛ̀ndɛ hwa òŋwe hwaŋga hwatò ema hwa òŋwi hwatò na lì rzɛlɛ eŋge mbòwà ya awu ya arzɛ.

Makòrzì 12:9

Yerzù rzìi a ijòwa nanù ema, “Mamɛ hvɛ rzɔ e ma e mòhwɛnɛ wà èŋge hvaya a hwɛnì lì gbeyàna hwaŋga hwàgbèèlì hwa èŋge hvaya e? À hwɛnì lì ɛ̀ndɛ ò èŋge hvaya rzìi a òŋwa hwaŋga hwàgbèèlì, rzìi a ŋgbà hwahvɛhvɛ hwàgbèèlì ò lì ɔŋgeya èŋge hvaya.

Lukàrzɛ̀ 19:27

Ò nàŋgɛ nanù, hwaŋga hwa arzɛ ema hwa nò kɔ̀wu, ema hwa rza àrza ema nà hwɛ è kiŋgɛ̀ yà àwu, è hwa jànè anù. È hwa òŋwe ò wòrzò wò amì.’”

Lukàrzɛ̀ 20:15

Hwa mà mò wurzana ò èŋge wàŋgà, rzìi hwa mò òŋwà.” Yerzù rzìi a hwa ijòwa nanù ema, “Mamɛ è mòhwɛnelì wa wàŋgà a tànɛyi lì gbeyàna hwaŋga hwàgbèèlì hwa wàŋgà e?

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Ròmànì 11:1

Nàŋgɛ rzɔ na ijòwa nanù ema, Lohwɛ̀ à mà kìnyɛ̀lɛ̀ hwatò hwa eni e? Ò jɔ̀kɛ̀ jàyɛ̀! Imba hvɛ na hwèlì ndi mòtò wa Irzàyɛ̀lì ò mòtende mò ama Abràhamù. Nà uwɛ̀lɛ̀lɛ̀yi ò lìtumba la ama Bènjàmɛ̀nì.

Ròmànì 11:11

O èŋgànɛ̀lɛ̀ rzɔ na ijòwa nanù ema, e hvònda ema hwatò hwa Irzàyɛ̀lì hwà mà ayirzɛ mataŋgà mà awu wɔ̀ hwa arzɛ ndi hwà mà kpa e? Jàyɛ̀, e rzi hwɛ nanù. Nà òma wɔ̀ hwà mà gbeye wòhwe, eŋge e ma gbeyà ema Lohwɛ̀ à mà ŋgba hwaŋga hwatò ema hwa rza enje wònyà Yudà e hvòlò ya lì kɔtɔwɔ, aŋga nanù wònyà Yudà hwa ò hwɛnɛ inòna.

Ròmànì 3:31

Mamɛ rzɔ irzɔ jò òhwa nàŋgɛ e? Jò òhwa ndi nanù ema na òma Lohwɛ̀ à mà wòwɛ hwatò ò lì hwɛ ehve-ehve, èhwanja hwa lòkɛ̀yì Yerzù Krirztò, ene ŋgàna e òhwa ndi nanù ema hwa rza òŋgama e mbenda hvɛ e? Jàyɛ̀ rzeketɛ nanù. Ndi mamɛ ema e mbenda e òhwa yɔ ndi irzɔ i gbeyàna.

Ròmànì 3:4

Ò jɔ̀kɛ̀ rzeketɛ nanù. Tɔ ima mòtò wa hwènàmà anu rze ya mɔ̀nyɛ̀ a tànɛyi lì òhwa hweyà ema hwe rza enje jɔ̀kɛ̀. Ndi Lohwɛ̀ mɔ̀ à hwèlì jɔ̀kɛ̀ ò ihvònda ja arzɛ. Nà òma e tìlahwì ò kààtì ya Lohwà nanù ema, “A òhwi tɛ eyà, hwatò hwa àŋgàmɛ̀nɛ̀yi lì hwiya nanù ema màmɛ ema a òhwa e hwèlì ndi e jɔ̀kɛ̀. Hwa ò kàyìrzɛ̀ tɛ, ò hwɛni lì kaya mòŋgò ŋmàŋgò ŋgàna ema e hvòmɛ̀nɛ̀.”

Ròmànì 3:6

Jàyɛ̀ rzeketɛ nanù. È ma hwɛ tɛ nanù ema hwèkàyìrzèlèlì hwe ama Lohwɛ̀ hwe hwɛni lùurzè, nɛ rzɔ mɔ̀ à tànɛyi lì kàyìrzɛ̀ e rze e?

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

Ròmànì 6:2

Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ròmànì 7:13

Èŋge e uŋmɛ̀lɛ̀ rzɔ ndi nanù ema màmɛ ema e hwèlì gbamù e ma nò jàneyà ndi e kpelì e? Jàyɛ̀ rzeketɛ nanù. Rzeketɛ e mbenda ndi e nò janelì e kpelì, e hwèlì ndi ema wòhwe ndi wò akelì ò mburza ya e mbenda ema e lɔ̀wu, ò lì nò jàneyà e kpelì. Ène eyà e ma gbèyɛ̀nɛ ndi nanù aŋga nanù hwatò hwa ɛnɛ na òma wòhwe wò hwèlì. O èŋgànɛ̀lɛ̀ rzɔ e mbenda ya ama Lohwɛ̀ e ma gbeyà wòhwe wò ma uŋmɛ̀lɛ̀ e ŋginyà ya eni rzayi-rzayi.

Ròmànì 7:7

Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe.

Ròmànì 9:14

O eŋgànɛ̀lɛ̀ rzɔ, i tànɛyi lì òhwa nanù ema Lohwɛ̀ a timbana lòŋgò la hwatò mburza e? Jàyɛ̀, rzeketɛ nanù.

1 Kɔ̀rintìyà 6:15

È hwi nanù ema i nyo ja anyu i hwèlì ndi hwèhvàrzù hwe hwènàmà ema hwe gbèyi è nyo yà ama Krirztò. Nà tànɛyi lì wowa èhvàrzù ya ènàmà ya nyo yà ama Krirztò rzìi nà è lata na e hwe èhvàrzù yà ènàmà ya nyo ya ama e molanà wà àkpàlà e? È rzà tanɛ̀ lì hwɛ nanù.

Gàletìyà 2:17

È hwèlì tɛ nanù ema na oma i keka o lì tɛmirzɛhwɛ ehve-ehve o worzo wo ama Lohwɛ̀ èhwanja i lòkɛ̀yi Krirztò, ene eyà e ma gbeyà loŋgo la wònyà Yudà, hwa jo wowa ndi nàa i hwèlì ndi hwatò hwa wòhwe, èhwanja i rzi ika imbenda ja wònyà Yudà hvɛ. Ène ŋgàna rzɔ e uŋmɛ̀lɛ̀ ndi nanù ema Krirztò ndi à jo tindɛlɛ o lì gbeyà wòhwe e? Jàyɛ̀, e rza tànɛyi e hwɛ nanù.

Gàletìyà 3:21

Ène ŋgàna è hwèlì rzɔ ndi nanù ema è mbenda è teŋgɛ̀nɛ lì kàkɛ̀nɛ là ama Lohwɛ̀ e? Jàyɛ̀, rzeketɛ nanù! Ò mà hwɛ tɛ mbenda ema è ŋgba lòŋgɛ là gbìndèyà, ò mà ì tɛmi ndi ehve-ehve ò worzo wò ama Lohwɛ̀ èhwanja ì ji ika.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.