Lukàrzɛ̀ 20:14 - Mokpwe: Bakwery (New Testament)

¹⁴ È hvònda ema hwaŋga hwàgbèèlì hwa mà ɛnɛ òŋgò ŋmanà, rzìi hwa òhwanɛ̀lɛ wɔ̀ hwìti nanù ema, ‘È wònja yɔ ène. Ì mò òŋwe òma ì ma lìyana erzàŋgò ya eni.’

Lukàrzɛ̀ 20:14 Mawu Ofanana

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Matiyò 21:25

One è wònjà ya lì lùhwìrzɛ̀ la ama Yòwanìrzɛ̀ e Mòlùhwìrzèlì, lì ma uhwɛlɛlɛ e? È ma uhwɛlɛlɛ ndi ò ma Lohwɛ̀, ŋga ò hwatò hwa hwènàmà e?” Hwà mà àwòhwànɛ̀lɛ̀ eŋge mbɔrzi wɔ̀ na wɔ̀, rzi hwa òhwa ema, i òhwi tɛ nanù ema “È wònja ya eni e uwɛ̀lɛ̀lɛ̀yi ndi ò ma Lohwɛ̀, a jò ijòwa nanù ema, ‘O mamɛ ndeŋgatɛ e rzi lòkɛ̀ Yòwanìrzɛ̀ e Mòlùhwìrzèlì e?’

Matiyò 21:34

Nà òma e hvònda ya lì hvata hwehvùma e ma ùke, òŋgò mòhwɛnɛ wa hvaya rzi a òma hwakutu hwa eni ò hwaŋga hwàgbèelì hwa eŋge hvaya ò lì ɛ̀ndɛ lì mò wòhweya e la eni lòŋgò la hwehvùma.

Lukàrzɛ̀ 19:47

Wùnyà tɛ, Yerzù à mà hwɛ lì òkòlɛ̀ ò Ndawò yà Lohwà. Ipìlìrzì ndɛnɛ̀ nà hwà-òkòlèlì hwa mbenda, nà hwàtìmbèlì hwa hwatò, hwa mà hwɛ ndi lì àrza ŋmànò ò lì mò òŋwà.

Lukàrzɛ̀ 20:13

È mòhwɛnɛ wà wàŋgà à mà lùtèyà hvòò rzìi a òhwa nanù ema, ‘Mamɛ na tànɛyi lì gbeyà nàŋgɛ e? Nà hwɛnì ndi lì òmà è ŋmanà wà amì wà mùnyanà ema na lìŋgànì rzayì-rzayì. Yɛ̀kɛtɛ hwa tànɛyi lì mò ŋgbà èluhwe.’

Lukàrzɛ̀ 20:15

Hwa mà mò wurzana ò èŋge wàŋgà, rzìi hwa mò òŋwà.” Yerzù rzìi a hwa ijòwa nanù ema, “Mamɛ è mòhwɛnelì wa wàŋgà a tànɛyi lì gbeyàna hwaŋga hwàgbèèlì hwa wàŋgà e?

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 20:5

Hwàŋga hwatò rzìi hwa wòteya lì àwòhwànɛ̀lɛ̀ mɔ̀kɔ nà ɔ̀nɛ̀yi nanù ema, “Jò òhwì tɛ nanù ema, ‘O ma Lohwɛ̀,’ nanù òma mɔ̀ hvɛ à mà jò ijòwa nanù ema, ‘Mamɛ ndeŋgàtɛ è rzi lòkɛ̀ Yòwanìrzɛ̀ e?’

Lukàrzɛ̀ 22:2

È Pìlìrzì ndɛnɛ nà hwà-òkòlèlì hwa mbenda, hwà mà òka hwatò wɔ̀ŋgɔ̀. Ndi hwa mà hwɛ lì àrza ŋmanò mò lì òŋwà Yerzù ò jùtuta.

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.