Lukàrzɛ̀ 20:13 - Mokpwe: Bakwery (New Testament)

¹³ È mòhwɛnɛ wà wàŋgà à mà lùtèyà hvòò rzìi a òhwa nanù ema, ‘Mamɛ na tànɛyi lì gbeyà nàŋgɛ e? Nà hwɛnì ndi lì òmà è ŋmanà wà amì wà mùnyanà ema na lìŋgànì rzayì-rzayì. Yɛ̀kɛtɛ hwa tànɛyi lì mò ŋgbà èluhwe.’

Lukàrzɛ̀ 20:13 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Lukàrzɛ̀ 18:2

À mà hwa òhweyà nanù ema, “O mà hwɛ mòkàyìrzèlì mɔ̀kɔ wà mbenda ò mbòwà hvɔ̀kɔ. À rzi òkè Lohwɛ̀ wɔ̀ŋgɔ̀, ndèŋgànɛ̀lɛ̀ hvɛ à rzi ŋgbe hwatò èluhwe.

Lukàrzɛ̀ 18:4

O hwèwòtelì òŋgò mòkàyìrzèlì wà mbenda, à rzìi imànɛ̀lɛ̀. O lìrzukù, à mà òhwanɛ̀lɛ mɔ̀ ŋmìti nanù ema, ‘Tɔ̀ nɛ na rzà ŋgbà Lohwɛ̀ èluhwe, ndèŋgàna na rzà òka hwatò wɔ̀ŋgɔ̀,

Lukàrzɛ̀ 20:12

A mà tìmba lì òmà hvɛ è mògbèèlì ema e ma ùkirzɛ̀ hwàyàwò. Mɔ̀ hvɛ hwa mò ànànà. Hwa mò hwènìrzɛ̀, rzìi hwa mò hvìmba ò èwòkà.

Lukàrzɛ̀ 20:14

È hvònda ema hwaŋga hwàgbèèlì hwa mà ɛnɛ òŋgò ŋmanà, rzìi hwa òhwanɛ̀lɛ wɔ̀ hwìti nanù ema, ‘È wònja yɔ ène. Ì mò òŋwe òma ì ma lìyana erzàŋgò ya eni.’

Lukàrzɛ̀ 9:35

Hwa mà hwèya lìlò ema lì ma wurza ò lìŋgi lìmbàkì lì mà òhwa nanù ema, “È Ŋmanà wa amì ònò. Mɔ̀ ndì na hvɔ̀rzì. È mò òkànèyà ndi mɔ̀.”

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.