Lukàrzɛ̀ 2:9 - Mokpwe: Bakwery (New Testament)

⁹ Lìwòkìmɛnɛ, è aŋgèlì yà ama Rzàŋgò è hwa wurzeyà, rzìi ŋmɛ̀ɛ̀nɛ̀nì mò ama Rzàŋgò mo hwa lìŋgà. Hwa mà tumeya nà mòkambiya.

Lukàrzɛ̀ 2:9 Mawu Ofanana

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Lukàrzɛ̀ 1:28

È aŋgèlì è mà wurzeya Màlìyɛ̀, rzìi e mò òhweyà nanù ema, “Ɛ̀yɔ̀lɛ̀ e hwɛ nà ò wa! Lohwɛ̀ à ò uŋmɛ̀lɛ̀ ììlì ja eni ja tòwòtòwò. Tatà Lohwɛ̀ a hwèlì nà ò wa.”

Lukàrzɛ̀ 2:8

O mà hwɛ hwà-ɔ̀ŋgèlì hwa mbòlì wòŋgò wu, ò èŋge èrzòòkà ema imbòlì i ma lèeyà, ema hwà mà ɔŋgeya lìhwèmbà la awu la mbòlì.

Lukàrzɛ̀ 24:4

Hwa mà wòteya lì lùteya mamɛ e ma gbèyɛnɛ nà mòŋgò ŋmìmbà. Lìwòkìmɛnɛ wùnyànà hwàhwàkɛ̀ ema hwà mà wɔtɔ̀ mbɔ̀mi ja ŋgɛ̀ŋgɛ̀lɛ-ŋgɛ̀ŋgɛ̀lɛ, hwa mà hwa wurzeya.

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Hwègbèèlì 12:7

O lìwòkimɛnɛ e aŋgèlì ya ama e Rzàŋgò e ma mò wurzeya rzìi ŋmàye mò ònda ò èŋge tùu ya hwèwòwà ema à mà hwɛ. Èŋge aŋgèlì rzìi e nyìŋgìrzɛ̀nɛ̀ Pètrò ò etulì ya eni, ò lì mò imòlɛ ò ijɔ. Rzìi e aŋgèlì e òhwa nanù ema, “Tɛmɛ̀ karzi.” Iŋgi ŋgɔ̀kɔ̀hwi rzìi i rzòlòhweya jò unda ò meyɔ mo eni.

Hwègbèèlì 27:23

Nà òhwa ndi nanù ehwànja ò tenì ya wònò wuu ema wò akayi nanù, aŋgèlì ya ama Lohwɛ̀, Lòohwà ema lì nò hwɛni, ndèŋgànà imba na gbèeyà e nò jèeyayi. Èŋge aŋgèlì e nò òhweyàyi nanù ema,

Hwègbèèlì 5:19

Ndi ò wòŋgò wuu mɛnɛ, e aŋgèlì ya ama e Rzàŋgò e ma hwa lìhvòweya mawòhvà mà e ndawò ya hwèwòwà rzi e hwa wurzirzɛ. È aŋgèlì e ma hwa òhweyà nanù ema,

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 12:21

Hweema ema hwà mà ɛnɛ hwe ma gbeyà hwà mà ohva wɔ̀ŋgɔ̀ rzayi-rzayi. Wɔ̀ɔŋgɔ̀ wo ma lɛmbɛ tɔ̀ Morzè mɔ̀ ŋmìti. A ma ohwa nanù ema, “Wɔ̀ɔŋgɔ̀ wo no tumìrzɛ̀ mòkambiya!”

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.