Lukàrzɛ̀ 2:47 - Mokpwe: Bakwery (New Testament)

⁴⁷ Hwa arzɛ ema hwà mà hwèya hweyà ema Yerzù a mà òhwe, hwa mà tàmeya lìhwiyè nà hwè-alàhwèlì hwe eni.

Lukàrzɛ̀ 2:47 Mawu Ofanana

Matiyò 13:54

rzi a timba ò lì ɛndɛ ò mbòwa ya eni. A wòteyà lì òkòlɛ hwatò ò ndawò ya màkànɛ. Ndèŋgànà hwaŋga hvɛ ema hwa ma mò òkànèyà hwa ma tàmà. Rzi hwa wòteyà ò lì ijòwa nanù ema, “One mɔ̀ à lu lìni lìhwiyè e? O nɛ mɔ̀ à gbèeyà hwene hweyà hwe arzɛ hwe mànyakà e?”

Matiyò 22:33

È ŋgìndì è mà hweye nanù, rzìi è tàmeyà hwèyòkòlèlì hwe ama Yerzù.

Matiyò 7:28

Nà òma Yerzù à mà kulɛ ò lì òhwa hwenè hweyà è ŋgìndì ema è mà mò òkànèyà è mà tàmeyà hwèyòkòlèlì hwe eni,

Makòrzì 1:22

Hwatò ema hwa mà hwɛ lì mò òkànèyà, hwa mà tàmeyà hwèyòkòlèlì hwe eni èhwanja a mà òkòlɛ̀nɛ̀ nà lìkànèyà, à rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 11:18

Ipìlìrzì ndɛnɛ nà hwà-òkòlèlì hwa mbenda hwà mà hweyè nà òmà Yerzù à mà òhwe nanù rzìi hwà wòteyà lì arzà njɔ̀mi ò lì mò òŋwà. Hwà mà mò òkà wɔ̀ŋgɔ̀ ehwànja è ŋgìndì ya arzɛ̀ è mà òndà nà hwètàmirzèlì ò hwèyòkòlèlì hwe eni.

Makòrzì 6:2

È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Lukàrzɛ̀ 2:18

Hwatò hwa arzɛ ema hwà mà hwèya nanù, hwa mà tàmà ò lì hweyà mamɛ hwà-ɔ̀ŋgèlì hwa mɛ̀lɛ̀ŋgù hwa mà hwa òhweyà.

Lukàrzɛ̀ 2:46

O mèènyà meyawò hwa mà mò ùŋma ò Ndawò yà Lohwà. À mà lìya nà hwà-òkòlèlì, rzìi a hwa òkànèyà nà lì hwa ijòwà mììjòwelì.

Lukàrzɛ̀ 4:22

Hwa arzɛ hwa mà mò eka, ndèŋgà hwa mà tàmeya hweyà hwe gbamù ema hwe ma wurza ò wàna yà èni. Rzìi hwa à ijòwà nanù ema, “Rzèke è ŋmanà wà ama Jòrzɛ̀hvù ònò e?”

Lukàrzɛ̀ 4:32

Wɔ̀ hwa arzɛ hwa mà tàmeyà hwèyòkòlèlì hwe eni, èhwanja ŋmɛ̀ndì mò hwèyòkòlèlì hwe eni mò mà òhva màyìmbì.

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”

Yòwanìrzɛ̀ 7:46

Rzìi hwàkutu hwa e Ndawò yà Lohwà hwa òhwa nanù ema, “I rzi hweyi wùnyà ema mòtò à mà òhwɛ nàa ò nò mòtò a òhwi.”