Lukàrzɛ̀ 2:46 - Mokpwe: Bakwery (New Testament)

⁴⁶ O mèènyà meyawò hwa mà mò ùŋma ò Ndawò yà Lohwà. À mà lìya nà hwà-òkòlèlì, rzìi a hwa òkànèyà nà lì hwa ijòwà mììjòwelì.

Lukàrzɛ̀ 2:46 Mawu Ofanana

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Lukàrzɛ̀ 2:47

Hwa arzɛ ema hwà mà hwèya hweyà ema Yerzù a mà òhwe, hwa mà tàmeya lìhwiyè nà hwè-alàhwèlì hwe eni.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Yòwanìrzɛ̀ 3:10

Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Hwègbèèlì 5:34

Ndi mɔ̀kɔ wà awu wà Hvàlìrzàyì ema à mà hwɛ̀lɛ̀hwɛ̀ Gàmàlìyɛ̀lì ema à mà hwɛ ndi Mòòkòlèlì wà è mbenda ema hwatò hwa mà ŋgbe èluhwe ndɛnɛ à mà tɛ̀mɛ̀nɛ ò ŋmanyu rzi à òhweyà wòlìya nanù ema inyɛ hwa lòme lì wurzirzɛ I àpɔ̀rzìtòlò ò èwòka.

1 Tìmotì 1:7

Hwàŋga hwatò hwa ohvi ndi mèèmà me lì hwɛ hwà-òkòlèlì hwa e mbenda ya ama Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ hweyà ema hwa ohweyà hwatò, ndèŋganɛlɛ wɔ̀ hwa rza rzɔ̀ŋgìtɛ̀nɛ̀ hweyà ema hwa ohwa nanù ema hwa hwi.