Lukàrzɛ̀ 2:25 - Mokpwe: Bakwery (New Testament)

²⁵ O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Lukàrzɛ̀ 2:25 Mawu Ofanana

Makòrzì 15:43

Jòrzɛ̀hvù ema à mà hwɛ ndi mòtò wà è mbòwà ya Àrìmàtìyà mòtò mɔ̀kɔ wà èluhwe wà è ndawò ya hwèkànelì, ema mɔ̀ hvɛ ŋmìti à ma hwɛ lì ambɛlɛlɛ e hvònda yà hwejèelì hwe Likànèyà la ama Lohwɛ̀, à mà ɛ̀ndɛ lì ùŋmanɛ̀lɛ Pìlatò gbeye-gbeye ò lì mò ijòwa èhwembè ya ama Yerzù.

Lukàrzɛ̀ 1:41

Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Lukàrzɛ̀ 1:67

Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,

Lukàrzɛ̀ 2:38

Nà òmà Jòrzɛ̀hvù nà Màlìyɛ̀ hwa mà jànè è ŋmanà ò Ndawò yà Lohwà, Anà hvɛ à mà hwɛ aŋga. O wòtɛmɛ̀tɛmɛ̀, rzìi a ŋgbà Lohwɛ̀ jèka, nà lì òhweyà hwatò hwa arzɛ lì hvòmɛ̀nɛ̀ òŋgò ŋmanà. Hwàŋga hwatò ndi hwa mà hwɛ lì ambɛ̀lɛ̀ è hvònda ema Lohwɛ̀ a oŋgìrzɛ̀ è mbòwà yà Jèrurzalɛ̀mù.

Lukàrzɛ̀ 23:51

Ò nò mòtò à rzi lìŋgànè è mbàkò nà hwègbèèlì hwe hwanɛ̀yi hwàtimbèlì nanù ema hwa òŋwe Yerzù. Mɔ̀ hvɛ à mà hwɛ lì ambɛ̀lɛ̀ Lìkànèyà lì ama Lohwɛ̀.

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 2:5

O eŋge hvònda, wònyà Yudà ema hwà mà hwɛ lì kanɛ̀ Lohwɛ̀ hwà mà hwɛ ò Jèrurzalɛ̀mù. Hwanu hwatò hwà mà uwɛ̀lɛ̀lɛ̀yi hwehvɛhvɛ hweki ò e rze yà mɔ̀nyɛ̀.

Hwègbèèlì 24:16

O èŋgànɛ̀lɛ̀ na keka ihvònda ja arzɛ nanù ema ŋmèma mò ami mò rzaŋge ò wòrzò wò ama Lohwɛ̀ na ò wòrzò wò ama e mòtò wa hwènàmà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.