Lukàrzɛ̀ 2:20 - Mokpwe: Bakwery (New Testament)

²⁰ Àŋga ndi hwaŋga hwà-ɔ̀ŋgèlì hwa mɛ̀lɛ̀ŋgù, hwa mà tìmbe rzìi hwa à kàrzɛ Lohwɛ̀ nà lì mò eka, èhwanja hweyà hwe àrzɛ ema hwa mà hweye rzìi hwa hwe ɛnɛ̀nɛ̀ hvɛ nà mììrzɔ̀ ma awu, nà òmà hwa mà òhwahwɛlɛ.

Lukàrzɛ̀ 2:20 Mawu Ofanana

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Makòrzì 1:7

È njàmbɛ yà eni è mà hwɛ ndi nanù ema, “O ò jà mɔ̀kɔ ò mburzà yà ami ema à nò akayi. È mà tɔ̀ mèèrzìŋgà mè eni mè hwètambi, imba nà rza ukì tɔ̀ mòtò ò lì ujama lì mè wulùwà.

Lukàrzɛ̀ 18:43

Lìwòkìmɛ̀nɛ̀, òŋgò mòtò rzìi a wòteyà lì ɛnɛ̀. Rzìi à òŋgama Yerzù. A ŋgbà hvɛ Lohwɛ̀ jèka. Nà òmà è ŋgìndì yà àrzɛ e mà ɛnɛ nanù, è mà ŋgbà Lohwɛ̀ jeka.

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”